Esita 6:1 - Baibo Busansulushi Bwa Libuku Ili

¹ Ono mashiku eenka ayo, mwaami taakwe koonaawo. Aboobo wakaambila bantu ayi bamuletele libuku lya makani a bwaami bwakwe akumubelengela.

Esita 6:1 Marejeleo ya Msalaba

Matalikilo 22:14

Musena uyo Abulaamu wakautumba ayi, “Lesa ulapa.” Abobulya bantu balaamba ayi, “PaKalundu ka Mwaami Lesa upa.”

Esita 10:2

Milimo yakwe inene alimwi ayeeyo ikankamika yakacita Sakisesi pantu pomwi amakani oonse mbuli mbwaakapa Modekayi cuuna ca peculu, shililembetwe mulibuku lya buumi bwa bamaami bene Mediya aPesha.

Esita 2:21

Ono Modekayi ndyaakalinga kusebensela kuŋanda ya bwaami, Bigitana aTeleshi basankwa ba kubwalo bakacaikwa lushalo abo bakalinga kulindilila shipinda sha mwaami Sakisesi, bakacimwa mwaami abuumbi akupangana kumucaya.

Esita 2:22

Modekayi wakanyumfwa makani aya akwaambila Esita muka mwaami, uyo wakaya mukwaambila mwaami makani ayo Modekayi ngaakamwaambila.

Esita 2:23

Ono makani aya ndyaakayandoolwa akucanwa ayi ngalushinisho, basankwa aba boonse bobilo bakacaikwa cakubaangilila kushisamu. Makani aya akalembwa mulibuku lya makani a bwaami kweelana abwakaamba mwaami paciindi ico.

Esita 5:8

“Na nobaami inga mwakondwa kunyumfwila nkumbu akumpa nceshi nsenge, ndaseenga kwaamba ayi mwebo aAmani mukese ciilo kukusekelela akumwi uko nkweshi nkamubambile. Paciindi ico ndaakumulwiita nceensuni.”

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 6:18

Lyalo mwaami wakaboolela kuŋanda yakwe ya bwaami akwikala mashiku oonse cakubula kulyaawo alimwi kwakubula shakumusangalasha shili shoonse. Peculu lya waawo wakaba acilabila.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.