Esita 5:11 - Baibo Busansulushi Bwa Libuku Ili

¹¹ Mpeeke wakatalika kulyuuma mucaamba pabubile mbwaakalinga kucite, pabana bakwe basankwa baanji, panshila shoonse mwaami nshaakamulemekelaamo alimwi amwaami mbwaakamusumpula kwiinda bacinenenene bakwe bamwi boonse.

Esita 5:11 Marejeleo ya Msalaba

Esita 3:1

Pesule lya makani aya oonse akacitika, mwaami Sakisesi wakasala Amani kuba pamusena wiinda wa bacinenenene bamwi boonse. Amani wakalinga mwanaakwe Amedata wamulunyungu lwakwe Agagi.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Matalikilo 31:1

Jakobo wakanyumfwa kwaamba ayi bana bakwe Labani basankwa batokwaamba ayi, “Jakobo wabwesa shintu shoonse shalinga kucite baishiwesu. Buboni bwakwe boonse bwaswa kushintu sha baishiwesu.”

Maako 10:24

Bashikwiiya bakwe bakakankamana ndibakanyumfwa maswi aya. Sombi lakwe Jesu wakabaambila alimwi ayi, “Nobamakwesu, ncintu ciyumu abuumbi kwinjila muBweene bwakwe Lesa!

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Isaya 10:8

Ulalisumpula akwaamba ayi, “Bamatanjilili bangu ba bashilumamba boonse mbamaami.

Kulumbaisha 49:6

Balo mbantu bacinkite manungo mububoni bwabo alimwi balisumpula ceebo cakufula kwa mbubo.

Esita 1:4

Kwanshiku shili 180 wakalinga kubonesha buboni bwa bwaami bwakwe bukankamanisha akukomena kwa bulemu bwa mbubo.

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Kulumbaisha 49:7

Ncakwiila taaku muntu weenga walilubula mwiine. Taaku muntu ukonsha kulipila mweelo wa buumi bwakwe kuli Lesa.

Kulumbaisha 52:9

Ndaakunoomulumba lyoonse pashintu nshemwakacita. Ndaakusumpula liina lyanu libotu pakati ka bantu banu.