Esita 5:1 - Baibo Busansulushi Bwa Libuku Ili

¹ Pabushiku bwatatu bwakulikasha kulya Esita wakafwala shakufwala shakwe sha bwaami akuya mukwiimikana kulubansa lwa mukati lwa ŋanda ya bwaami kaalangite kucipinda cinene ca cuuna ca bwaami. Mwaami wakalinga kushiite pacuuna cakwe kaalangite kumulyango.

Esita 5:1 Marejeleo ya Msalaba

Esita 1:11

Mpeeke wakabatuma ayi balete Fashiti mukaakwe kunembo lyakwe kaafwete mushini wa bwaami kwaamba ayi bantu abamatanjilili babone mbwaakalinga mubotu. Fashiti wakalinga mubotu abuumbi.

Esita 2:5

Ono mundabala inene ya Susa mwakalinga kwikala muJuda wa mumukowa wakwe Benjameni uyo wakalinga kwiitwa ayi Modekayi mwanaakwe Jeya. Jeya wakalinga mwanaakwe Shimeyi uyo wakalinga mwanaakwe Kishi.

Esita 4:11

“Bacinenenene boonse ba mwaami abantu bamwi boonse bekala mushipansha sha cishi, balishi kwaamba ayi musankwa uli woonse nabi mwanakashi uyo weenga wenjila mulubansa lwa mukati muŋanda ya mwaami kwakuteetwa, ulyeelete kucaikwa. Uyu ngomulawo uliiwo. Sombi na mwaami watondeka muntu uyo nkooli ya bwaami ya golodi, inga taacaikwi. Ono peenda nshiku makumi otatwe mwaami ndyaakaswa mukunjitaawo.”

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Esita 4:17

Lyalo Modekayi wakaya akucita shoonse isho shakamwaambila Esita.

Esita 6:4

Lyalo mwaami wakeepusha ayi, “Ngani wacinenenene uli muŋanda ya bwaami ino?” Ciindi ici Amani ndyaakenjilabo mulubansa kwaamba ayi aambile mwaami pamakani akwaangilila Modekayi pashisamu shakwaangililawo bantu.

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 11:8

Ino nciinshi ncemwakaya mukubona? Sa ngumuntu wakalinga kufwete shakufwala shibotu? Tau, bafwala shakufwala shibotu balekala mumaanda a bamaami.

Mateyo 27:64

Anu amwaambile bamwi baye bakalindilile kucuumbwe kushikila peende nshiku shotatwe. Mukwiinga bashikwiiya bakwe inga besa mukwiipa mutuntu akulwiita bantu ayi, ‘Wabushikwa kuswa kubafu.’ Lyalo bubeshi bwabili bulaakubica kwiinda butaanshi.”

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’