Esita 4:16 - Baibo Busansulushi Bwa Libuku Ili

¹⁶ “Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Esita 4:16 Marejeleo ya Msalaba

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Matalikilo 43:14

Lesa Shinkusu shoonse aalengeshe mweendeleshi uyo kuba ankuumbu kwaamba ayi amuboosheshe Benjameni amukwabanu umwi. Ono kuli ndime, na citokwaamba kusowekelwa baana, akube mbweeke ubo.”

2 Samwelo 10:12

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

2 Baami 7:4

Tacicafwi kwaamba ayi tuye mundabala inene iyi, tutooya tufwebo kunsala, alimwi na tunooshiitebo peenka pano, tutoofwa apalo. Anu katiyabo kumisumba ya bene Silya. Na baye batucaaye, ingayi katufwabo, sombi na batulekelele, ingayi twaba acoolwe.”

2 Makani 20:3

Mpeeke Jeoshafati wakafwa boowa akutalika kupaila kuMwaami Lesa kwaamba ayi amutanjilile. Lyalo wakaambila bantu boonse mucishi ayi balikaashe kulya.

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Esita 4:15

Mpeeke Esita wakamukumbula ayi,

Esita 4:17

Lyalo Modekayi wakaya akucita shoonse isho shakamwaambila Esita.

Esita 4:3

Anu kushipansha shoonse sha cishi uko kwakashika mulawo wa mwaami uyo, kwakaba kuungumana kunene pakati ka baJuda. Bakalikasha kulya, kulila buumpute akooloma alimwi baanji bakafwala masaka akoona mumilota.

Esita 5:1

Pabushiku bwatatu bwakulikasha kulya Esita wakafwala shakufwala shakwe sha bwaami akuya mukwiimikana kulubansa lwa mukati lwa ŋanda ya bwaami kaalangite kucipinda cinene ca cuuna ca bwaami. Mwaami wakalinga kushiite pacuuna cakwe kaalangite kumulyango.

Esita 9:31

Nkalata iyo yakaambila baJuda abamulunyungu lwabo bwakusekelela panshiku sha pulimu isho paciindi ceelete ayi kube kwishibila bweenka mbuli mbobakaba akwishibila kwakulikasha kulya akwa pashililo. Modekayi muJuda alimwi aEsita muka mwaami mbobakapa mulasho uyo.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Jelemiya 36:9

Ono mumweenshi wasanu ayone mumwaaka wasanu wa bwaami bwakwe Jeoiyakimu mwanaakwe Josiya mwaami wa bene Juda, bantu bakalikasha kulya kunembo lya Mwaami Lesa. Kulikasha kulya uku kwakacitwa abantu boonse bekala muJelusalemu alimwi aboonse abo bakaswa mumandabala a mucishi ca Juda.

Danyelo 2:18

Wakabaambila kwaamba ayi basenge nkumbu kuli Lesa wa kwiculu ayi abasansulwite cintu ico cishisitwe. Wakacita boobo kwaamba ayi lakwe ababye batacaikwi pantu pomwi abeshikupandaako maano bamwi ba muBabiloni.

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Luka 9:24

Mukwiinga uyo woonse usuni kupulusha buumi bwa buntu, ulaakubusowa. Sombi uyo woonse usowa buumi bwakwe ceebo ca ndime, ncakwiila ulaakubucana.

Joni 19:22

Pilato wakakumbula ayi, “Ncendalemba ndaleemba, camana.”

Milimo ya Batumwi 10:7

Munjelo uyo ndyaakaswaawo, Konelyasi wakeeta basebenshi bakwe bobilo alimwi ashilumamba womwi. Shilumamba uyu wakalinga womwi wa mulikoto lya beshikumucafwa mwiine alimwi wakalinga muntu wakalinga kulambila Lesa lyoonse.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Milimo ya Batumwi 27:33

Ndipakatubatubabo, Paulo wakabasenga boonse ayi balye. Wakabaambila ayi, “Shakumana nshiku likumi ashone kamulindililabo, kutalyaawo nabi cintu comwi.

Milimo ya Batumwi 9:9

Pakeenda nshiku shotatwe kaataboni alimwi paciindi ici taakalinga kulya nabi kunwa.

Bene Loma 16:4

abo bakalinga kusuminite akucaikwa ceebo ca ndime. Ntoobalumba abuumbi alimwi teshibo ndime neenka nentoobalumba, sombi ashoonde shoonse sha baswamashi bakunsengwe.

Bene Filipi 2:30

Wakaboolelabo pakalindi ceebo ca milimo yakwe Klistu. Wakaaba buumi bwakwe kwaamba ayi ancaafwe musheesho nshemwatakalinga kukonsha kuncafwa.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

1 Samwelo 19:5

Mubone ndyaakacaya mwine Filisiti ulya, pakalinga alufu lwaakwe mwiine. Ono Mwaami Lesa wakalengesha bene Isilaeli kukoma munshila ikankamika. Mwebo nobeene ndimwakabona kukoma uko mwakasangalala abuumbi. Ono nceebonshi mutooyanda kubisha kwiinda mukucaya Defedi utacite mulandu?”