Esita 3:13 - Baibo Busansulushi Bwa Libuku Ili

¹³ Beshinkombe bakatola makalata ayo kushipansha shoonse sha cishi. Makalata ayo akalinga kwaamba ayi banyonyoole, kucaya akulobya baJuda boonse, bacikula bwangu abamanene, banakashi abanike akusaala buboni bwabo boonse pabushiku bomwi. Bushiku ubo mbwalikumi anshiiku shotatwe bwa mweenshi walikumi ayobilo wiitwa ayi Ada.

Esita 3:13 Marejeleo ya Msalaba

Esita 9:10

nkokwaamba ayi baana basankwa likumi bakwe Amani mwanaakwe Amedata, mulwani wa baJuda. Sombi tabakwe kusaalawo buboni bwabo.

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Bene Loma 3:15

Mbantu bafwambaana kucisa akucaya babyaabo.

Jelemiya 51:31

Beshikutumwa balikonkenebo, ee, beshinkombe balitungenebo kalongo kuya mukulwiita mwaami wa bene Babiloni ayi ndabala yakwe yakomwa kuswa kweela kuya mukushika ankoyeela.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Jobo 9:25

“Nshiku shangu sheenda lubilo kwiinda muntu shikucica, shafwambaana kweenda kwakubula acibotu ncendabonaawo.

Esita 7:4

Nebo abene misheesu twakoolishikwa kwaamba ayi tunyonyoolwe, tucaikwe akulobeshekwa. Necalinga cakwaamba ayi nkuulishikwa ayi tube basha, naakwiinga ndoomunabo, kutamupenshaawo pacikani ici.”

1 Samwelo 22:19

Alimwi Saulo wakacaisha abantu boonse bakalinga kwikala mundabala ya bapailishi ya Nobu, nkokwaamba ayi basankwa abanakashi bamanene, banike, bakateta pantu pomwi aŋombe, mbongolo alimwi ambelele.

Esita 8:5

Mpeeke wakaamba ayi, “Na inga camukonda nobaami, na mulambikako maano alimwi na muyeeyo uyu uliluleme kuli ndimwe, amulembe makalata akukasha mulawo wakwe Amani mwanaakwe Amedata wamulunyungu lwakwe Agagi ngwaakalemba ayi anyonyoole baJuda boonse mubwaami bwanu.

Esita 9:1

Ono bushiku bwalikumi anshiiku shotatwe mumweenshi walikumi ayobilo wiitwa ayi Ada, mulawo wa mwaami ndiwakalinga kweelete kucitwa, bwakashikila. Ubu mbobushiku ubo balwani ba baJuda mbobakalinga kuyeeya kubakoma. Sombi shintu shakasanduka, baJuda mbobakakoma balwani babo.

Esita 9:5

Munshila iyo baJuda bakacita cili coonse ncebakalinga kusuni kubalwani babo. Bakabalwanisha amipeeni akubacayoola.