Esila 9:2 - Baibo Busansulushi Bwa Libuku Ili

² Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Esila 9:2 Marejeleo ya Msalaba

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

1 Baami 11:1

Mwaami Solomoni wakalinga kusuni banakashi baanji baswamashi. Peculu lya mwanaakwe Falawo mwaami wa kuIjipiti, wakeeba banakashi bene Iti, Moabu, Amoni, Edomu alimwi abene Sidoni.

Esila 10:2

Lyalo Shekaniya mwanaakwe Jeiyelo, womwi wa mucipani cakwe Elamu wakaamba kuli Esila ayi, “Twakabishisha Lesa wesu mukweeba banakashi baswamashi abo mbotushitaabo. Nakubi boobo lupulusho nkolucili kubene Isilaeli.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Esila 9:14

Sa alimwi tukacibooshewo kutyola milawo yanu akweebana abaswamashi abo bacita shibiibi? Twakucita boobo, sa teshi mukakalale kushikila mukatunyonyoole cakumaninina, kukabule aucaala?

Neyemiya 13:17

Lyalo ndakakalalila bamatanjilili bene Juda ayi, “Mwaboona cibiibi ici ncemwacita! Mwalengesha bushiku bwakookesha bwa Cibelu kutasalala.

Neyemiya 13:28

Mwanaakwe Joiyada umwi, mwishikulu wakwe Eliyashibu mupailishi munene, wakeeba mwanaakwe Sanibalati mwine Oloni. Aboobo ndakamutanda muJelusalemu.

Kulonga 19:6

Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Kulonga 22:31

“Mwebo muli bantu bangu, paceebo ceeci tamweelete kulya nyama ya cifubwa cili coonse cakacaikwa kubanyama bamuluundu. Sombi mulyeelete kwiipa bakabwa.

Kulonga 34:16

Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Isaya 6:13

Ono nabi bantu baniini bakacaaleewo, abalo balaakunyonyoolwa. Sombi bweenka bucaala cishiki apo patemwa cisamu ca telebinti nabi ca mubanga, mbweeke ubo imbuto isalalite mbweshi ikacaaleemo anga ncishiki mucishi ici.”

Bene Lefi 21:15

Na wabula kucita boobo, bana bakwe abo beelete kunoosalalite, teshi bakanoosalalite kweelana aMilawo. Nebo ndime Mwaami Lesa nendakamupatula ayi abe mupailishi munene.’ ”

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

1 Bene Kolinto 7:14

Ceebo musankwa utashomi ulatambulwa pameenso akwe Lesa kwiinda mukuba pomwi amukaakwe ushoma. Alakwe mwanakashi utashomi ulatambulwa mukuba pomwi aibaye ushoma. Necatalinga boobo naakwiinga bana babo baba anga mbakunsengwe. Ono kweelana ambocibete Lesa ulabatambula.

2 Bene Kolinto 6:14

Mutacatani pantu pomwi abakunsengwe. Ino bubotu abubi inga shacatana buyani? Munshilanshi mweenga mumuni amunshinshe shabeta pantu pomwi?

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

Joshuwa 23:12

Ono na mukamwaashukile akweendelana amishobo imwi iyo icili pakati kanu, alimwi na mukatalike kweeba akweebeshana pakati kanu ambabo,