Esila 7:1 - Baibo Busansulushi Bwa Libuku Ili

¹ Ono ndikwaakeenda myaaka iinji, Atasakisesi kaali mwaami wa kuPesha, kwakalinga muntu wakalinga kwiitwa ayi Esila. Esila wakalinga wamulunyungu lwakwe Aloni mupailishi munene mukwiinga wakashalwa kuli Selaya, Selaya wakashalwa kuli Asaliya, Asaliya wakashalwa kuli Ilikiya,

Esila 7:1 Marejeleo ya Msalaba

2 Baami 22:4

“Koya kuli Ilikiya mupailishi munene akwiipusha mweelo wa maali ayo bapailishi basebensela pamulyango waŊanda yakwe Lesa ngobatambulaako kuswa kubantu.

2 Baami 22:8

Mpeeke Ilikiya mupailishi munene wakalwiita Shafani mulembi ayi, “Ndacana Libuku lya Milawo muŊanda yakwe Lesa.” Mpomunyaawo Ilikiya wakapa Shafani libuku ilyo, lyalo shafani wakalibelenga.

2 Baami 25:18

Kuswawaawo Nebusaladani, mutanjilili wa beshikulindilila mwaami wakacata busha Selaya mupailishi munene, Sefaniya mupailishi umukonkela kubikaawo abeshikulindilila mwinjililo wa Ŋanda yakwe Lesa botatwe.

1 Makani 9:11

Asaliya mwanaakwe Ilikiya, Ilikiya mwanaakwe Meshulamu, Meshulamu mwanaakwe Sadoki, Sadoki mwanaakwe Melaiyoti, Melaiyoti mwanaakwe Ayitubu wacinenenene wa kuŊanda yakwe Lesa.

2 Makani 34:15

Lyalo wakaambila Shafani mulembi ayi, “Libuku lya Milawo ndalicana muno muŊanda yakwe Lesa.” Mpeeke wakalipa Shafani.

2 Makani 34:9

Maali ayo beshikulindilila bene Lefi ngobakabwesa muŊanda yakwe Lesa bakaatola kuli Ilikiya mupailishi munene. Maali ayo akabwesekwa kubene Efuleemu, bene Manase alimwi abantu bamwi boonse bakacaalaawo mucishi ca Isilaeli, pantu pomwi abene Juda, bene Benjameni alimwi abene Jelusalemu.

Esila 4:7

Munshiku shakwe Atasakisesi mwaami wa kuPesha, Bishilamu, Mitiledati, Tabilu abamwi babyaabo bakalembela Atasakisesi nkalata. Nkalata iyo yakalembwa mumushobo wa ciAlamaiki, mpeeke yakasansululwa mumushobo unyumfwika pakwiibelenga.

Esila 6:14

Bamaloba ba baJuda bakatolelela kuyaka Ŋanda yakwe Lesa cakuswitilila. Agayi alimwi aSekaliya mwanaakwe Ido abo bakalinga balaluki mbobakabatanjilila. Bakamanisha kuyaka kweelana ambobakaambilwa kuli Lesa wa bene Isilaeli alimwi aSailasi, Dalyasi aAtasakisesi bamaami ba kuPesha.

Esila 7:10

Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.

Esila 7:12

“Ndime Atasakisesi, Mwaami wa baami, Ntoolembela ndiwe Esila mupailishi alimwi mufundishi wa Milawo yakwe Lesa wakwiculu. Ndakwaansha.

Esila 7:2

Ilikiya wakashalwa kuli Shalumu, Shalumu wakashalwa kuli Sadoki, Sadoki wakashalwa kuli Ayitabu,

Esila 7:21

“Nebo nemwaami Atasakisesi ndapa mulawo uyu kubeshikulama buboni boonse bekala kwitala lya Mulonga wa Yufuletisi. Mulyeelete kupa Esila mupailishi alimwi mufundishi wa Milawo yakwe Lesa wa kwiculu, nsheenga wasenga mukufwambaana.

Neyemiya 11:11

Selaya mwanaakwe Ilikiya, mwishikulu wakwe Meshulamu mwanaakwe Sadoki. Sadoki wakalinga mwanaakwe Melayoti, Melayoti wakalinga mwanaakwe Aitubu mupailishi munene.

Neyemiya 2:1

Mumweenshi wa Nisani mumwaaka wamakumi obilo wa bwaami bwakwe Atasakisesi, waini wakwe ndiwakaletwa ndakoobwesa akuutola kumwaami. Taana kumbonawo kale aciwa cilokete mbuli bushiku ubo.

Neyemiya 8:1

Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.