Esila 10:6 - Baibo Busansulushi Bwa Libuku Ili

⁶ Mpomunyaawo Esila wakaswaako kunembo lya Ŋanda yakwe Lesa akuya mucipinda cakwe Jewoanani mwanaakwe Eliyashibu. Ciindi ndyaakalinga momulya, taakwe kulya cakulya nabi kunwaawo cili coonse ceebo wakatolelela kulila pakubisha kwa bantu abo bakaswa mucishi ca busha.

Esila 10:6 Marejeleo ya Msalaba

Dutolonomi 9:18

Ono alimwi ndakafubama pameenso aMwaami Lesa kwanshiku makumi one cakutalya nabibo kaanshi. Ndakacita boobo ceebo mwakabishisha akukalasha Mwaami Lesa.

Neyemiya 12:22

Munshiku shakwe Eliyashibu, Joiyada, Jowanani aJaduwa bamatanjilili ba bamumaanda a bene Lefi bakalembwa pantu pomwi aba bamumaanda a bapailishi. Aba bakalembwa muciindi ca bwaami bwakwe Dalyasi mwaami wa bene Pesha.

Neyemiya 3:1

Lyalo Eliyashibu mupailishi munene abapailishinyina bamwi bakatalika mulimo. Bakayakulula Mwinjililo wa Mbelele. Bakausalasha akwiimika shisasa mumisena yeelete. Bakayakulula akusalasha lubumbu kushikila akuŊanda ilaamfu ya Mwaanda alimwi aŊanda ilaamfu ya Ananelo.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Neyemiya 13:28

Mwanaakwe Joiyada umwi, mwishikulu wakwe Eliyashibu mupailishi munene, wakeeba mwanaakwe Sanibalati mwine Oloni. Aboobo ndakamutanda muJelusalemu.

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Neyemiya 12:10

Jeshuwa wakashala Joiyakimu, Joiyakimu wakashala Eliyashibu, Eliyashibu wakashala Joiyada,

Neyemiya 3:20

Baluki mwanaakwe Sabayi wakayakulula cipansha ca lubumbu cakakonkelaawo kushikila kumwinjililo wa ŋanda yakwe Eliyashibu mupailishi munene.

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Esila 9:4

Ndakekala apo kaaŋungumene kushikila ciindi cakubenga mulambu wa macolesha. Mpeeke bantu bakatalika kubungana mpondakalinga, nkokwaamba ayi boonse abo bakatutuma ndibakanyumfwa maswi akwe Lesa wa bene Isilaeli pashibiibi sha bantu abo bakataanguna kuswa mucishi ca busha.

Kulonga 34:28

Mpeeke Mose wakekala kweenka uko aMwaami Lesa kwanshiku shili makumi one, nkokwaamba ayi malumwi amashiku, kaatali nabi kunwa cintu nabi comwi. Wakalemba maswi a cipangano ayo pamabwe apampamene. Maswi ngaakalemba njiMilawo ili Likumi.

Esila 10:7

Aboobo makani akatumwa mucishi ca Juda coonse alimwi amuJelusalemu kwaamba ayi boonse abo bakaswa mucishi ca busha babungane kuJelusalemu.

Kulumbaisha 102:4

Moyo wangu wapya anga mbwiisu buyumu. Ncakwiila akumoyo kutooshiya kulya.