Esila 10:1 - Baibo Busansulushi Bwa Libuku Ili

¹ Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Esila 10:1 Marejeleo ya Msalaba

1 Baami 8:30

Kamunyumfwila mipailo yangu aya bantu banu bene Isilaeli na balanga kuŋanda yanu pakupaila. Amutukutike kwiculu uko nkomwikala akutulekelela shibiibi shesu.

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

2 Makani 20:13

Paciindi ico basankwa boonse bene Juda, bamakaabo abana babo bakalinga kwiimfwi kuŊanda yakwe Lesa.

2 Makani 20:9

akwaamba ayi, ‘Na mapensho akatupolele, nkokwaamba ayi nkondo, mwaalu nabi nsala, tulaakwisa mukwiimikana pameenso anu kunembo lya Ŋanda yakwe Lesa iyi uko kuli bulemu bwanu. Tulaakumulilila mubuumba bwesu, lyalo mwebo mulaakunyumfwa kusenga kwesu akutufuna.’

Esila 10:6

Mpomunyaawo Esila wakaswaako kunembo lya Ŋanda yakwe Lesa akuya mucipinda cakwe Jewoanani mwanaakwe Eliyashibu. Ciindi ndyaakalinga momulya, taakwe kulya cakulya nabi kunwaawo cili coonse ceebo wakatolelela kulila pakubisha kwa bantu abo bakaswa mucishi ca busha.

Neyemiya 1:4

Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Neyemiya 10:28

Swebo sotwacaalaawo, nkokwaamba ayi bapailishi, bene Lefi, beshikulindilila paminjililo, beshikwiimba, basebenshi ba kuŊanda yakwe Lesa aboonse abo bakalipatula kuswa kubaswamashi mukukonkela Milawo yakwe Lesa pantu pomwi abamakaabo, bana babo basankwa abanakashi abo bakalinga kukonsha kunyumfwa,

Neyemiya 8:9

Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 3:6

Ndibakamana kulyaambilila shibiibi shabo, wakababombeka muMulonga wa Joodani.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Milimo ya Batumwi 10:30

Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu.

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Bene Loma 9:2

pakwaamba ayi ndicite buumba bunene abuumbi alimwi ndapenshekwa mumoyo ceebo ca baJudama.

Dutolonomi 31:12

Mukabunganye bantu boonse, nkokwaamba ayi basankwa, banakashi, baana alimwi abaswamashi mbomwikalaabo mumandabalaanu, ayi banyumfwe akwiiya kulemeka Mwaami Lesa, Lesa wanu alimwi akukonkela kabotu maswi oonse ali mumilawo iyi.

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.