Esila 1:8 - Baibo Busansulushi Bwa Libuku Ili

⁸ Sailasi mwaami wa bene Pesha wakatuma Mitiledati shikulama buboni ayi ashileete. Lyalo wakashibala akushipa Sheshibasa mweendeleshi wa cishi ca Juda.

Esila 1:8 Marejeleo ya Msalaba

Esila 1:11

Shintu isho sha golodi alimwi asha silifa pantu pomwi shakalinga 5,400. Sheshibasa wakatolelela shintu isho shoonse ciindi abo bakalinga mucishi ca busha ndibakaswa muBabiloni akuya kuJelusalemu.

Esila 2:2

Bamatanjilili babo mbaaba: Selubabelo, Joshuwa, Neemiya, Selaya, Leliya, Modekayi, Bilushani, Misipa, Bigifayi, Leyumu aBaana. Aya ngomeena a shipani sha mikowa ya bene Isilaeli pantu pomwi amwelo wa baabo bakapiluka kuswa kubusha.

Esila 5:14

Ncakwiila wakaboosha ashintu sha golodi alimwi asha silifa isho Nebukadinesa nshaakakusha muŊanda yakwe Lesa ya kuJelusalemu akushitola muŋanda ya balesa bakwe kuBabiloni. Mwaami Sailasi wakapa shintu ishi kumuntu wakalinga kwiitwa ayi Sheshibasa, uyo ngwaakasala kuba mweendeleshi wa cishi ca Juda.

Esila 5:16

Aboobo uyo Sheshibasa wakesa wakaba lwiimbi akutalika kuyaka Ŋanda yakwe Lesa kuJelusalemu. Kuswa ciindi ico kushikila asunu iciyakwa, sombi teena kumana.

Esila 5:2

Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Agayi 1:1

Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.

Agayi 1:14

Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.