Esila 1:7 - Baibo Busansulushi Bwa Libuku Ili

⁷ Mpeeke mwaami Sailasi wakababoshesha mbale ankomeshi isho mwaami Nebukadinesa nshaakakusha muŊanda ya Mwaami Lesa muJelusalemu akushibika muŋanda ya balesa bakwe.

Esila 1:7 Marejeleo ya Msalaba

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

2 Makani 36:18

Nebukadinesa wakasaala shintu sha muŊanda yakwe Lesa, sha mucipinda cakusungilamo buboni ca Ŋanda yakwe Lesa alimwi abuboni bwa mwaami abwa bacinenenene bakwe akushitola kuBabiloni.

2 Makani 36:7

Lyalo Nebukadinesa wakayumuna shintu shimwi shamakwebo sha muŊanda yakwe Lesa akuya mukushibika muŋanda yakwe ya bwaami mucishi ca Babiloni.

Esila 5:14

Ncakwiila wakaboosha ashintu sha golodi alimwi asha silifa isho Nebukadinesa nshaakakusha muŊanda yakwe Lesa ya kuJelusalemu akushitola muŋanda ya balesa bakwe kuBabiloni. Mwaami Sailasi wakapa shintu ishi kumuntu wakalinga kwiitwa ayi Sheshibasa, uyo ngwaakasala kuba mweendeleshi wa cishi ca Juda.

Esila 6:5

Ono shintu sha golodi asha silifa, isho Nebukadinesa nshaakakusha muŊanda yakwe Lesa ya kuJelusalemu akutola kuBabiloni, shilyeelete kuboolela kuJelusalemu akubikwa muŊanda yakwe Lesa uko.”

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.