Esekelo 9:4 - Baibo Busansulushi Bwa Libuku Ili

⁴ akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Esekelo 9:4 Marejeleo ya Msalaba

Matalikilo 4:15

Sombi Mwaami Lesa wakakumbula ayi, “Sobwe, na muntu wakucaya, ingayi mulandu wakwe ulaakukomena kwiinda waako mankanda osanwe aobilo mukuboosha cishole.” Aboobo Lesa wakabika cishibilo pali Kaini kutondesha woonse weenga wamukumanya kutamucaya.

2 Baami 22:13

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi ali mulibuku ili.”

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 119:53

Ndakalala abuumbi pakubona bantu babiibi, bantu babiibi abo batakonkeli milawo yanu.

Kulonga 12:13

Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.

Kulonga 12:23

Ono Mwaami Lesa pakuya cicaya bene Ijipiti mucishi cabo, ulaakubona bulowa ubo peculu lya milyango alimwi apashisamu sha kumilyango. Mpeeke ulaakukasha shikunyonyoola kwinjila mumaandaanu ayi amucaaye.

Kulonga 12:7

Balyeelete kubwesa bulowa bumwi akunanika kushisamu shobilo sha kumilyango alimwi apeculu lya milyango ya mumaanda umo mweshi bakanoolita nyama.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Esekelo 21:6

“Paceebo ceeco, webo omuntu tongela! Utongele kunembo lyabo amoyo utyongookite alimwi ucite buumba bunene.

Esekelo 6:11

Mwaami Lesa Shinkusu shoonse waamba ayi, “Amukambe mapaka, mulishe minkiti panshi akulila ayi, ‘Maawe!’ ceebo ca bubi boonse ashintu shilensha bunya isho bene Isilaeli nshebacita. Balaakufwa kunkondo, kunsala akumwaalu.

Esekelo 9:5

Kaanyumfwite wakaambila bamwi ayi, “Amumukonkele mundabala akucaya. Mutanyumfwiliwo nkumbu nabi kulangabo muntu uli woonse.

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Amosi 6:6

Mwebo mulanwa mbale shiinji sha waini akunana mafuta eendaawo kubota. Sombi tamuungumani pakunyonyooka kwa cishi ca Isilaeli.

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Sefaniya 3:18

bweenka mbobacita bantu pakusekelela.” Mwaami Lesa waamba ayi, “Ndaakukusha mapensho kuli ndiwe Ncakwiila ndaakukusha musebaanyo wako.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

2 Bene Kolinto 1:22

wakatubika cishibilo cakwe, akutupa Mushimu Usalashi mumyoyo yesu kwaamba ayi ube anga ncecisumina mulandu ca shintu sheshi shikese.

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

Bene Galatiya 6:17

Cakweelaako, kutabi muntu nabi womwi ngweshi anoocimpensha, mukwiinga pamubili wangu pali mibata ibonesha ayi ndi musebenshi wakwe Jesu.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Ciyubululo 14:1

Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 9:4

Nsoshi ishi shakalwiitwa ayi shitanyonyooli bwiisu, shisamu nabi cishango cili coonse, sombi kunyonyoolabo bantu abo batakalinga kucite keshibilo kakwe Lesa pankumo.