Esekelo 8:3 - Baibo Busansulushi Bwa Libuku Ili

³ Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Esekelo 8:3 Marejeleo ya Msalaba

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

2 Baami 16:14

Cipaililo cakapangwa abulonse cakabengwa kuMwaami Lesa cakalinga pakati ka cipaililo cipya aŊanda yakwe Lesa. Lyalo Aasi wakacisenya kumatwa acipaililo cipya.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

2 Baami 21:7

Wakabika cikoshanyo cakwe Ashela lesa mwanakashi muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwaamo.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Kulonga 20:4

“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 34:14

“Tamweelete kulambila lesa umwi, ceebo nebo neMwaami Lesa, ndishibusuba.

Jelemiya 32:34

Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Esekelo 10:3

Bakelebu bakalinga kwiimfwili kulubasu lwa kumalenge lya Ŋanda yakwe Lesa muntu uyo ndyaakenjila, likumbi lyakesula lubansa lwa mukati.

Esekelo 11:1

Mpeeke Mushimu wakwe Lesa wakanyamuna akuntola kumwinjililo wa Ŋanda ya Mwaami Lesa wakalinga kulangite kwicwe. Ono kumulyango wa mwinjililo kwakalinga basankwa bali 25. Pakati kabo ndakabonawo Jaasaniya mwanaakwe Asuli alimwi aPelatiya mwanaakwe Benaya abo bakalinga bamatanjilili ba bantu.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

Esekelo 2:9

Mpomunyaawo ndakalangilisha akubona lyaansa lyakalinga kutambikitwe kuli ndime. Muli ndilyo mwakalinga cakulembelaawo

Esekelo 3:12

Mpomunyaawo Mushimu wakwe Lesa wakanyamuna. Lyalo ndakanyumfwa liswi kwisule lyangu ilyo lyakalinga kunyumfwika anga ngumuuwo utoompuupila. Liswi ilyo lyakaamba ayi, “Abulumbaishikwe bulemu bwa Mwaami Lesa mumusena ngweekalaamo!”

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Esekelo 37:1

Mpeeke nkusu sha Mwaami Lesa shakanselukila. Mushimu wakwe wakantola pakati ka cinyika ico cakalinga kuswitebo mafuwa.

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Esekelo 43:5

Mpomunyaawo Mushimu wa Mwaami Lesa wakanyamuna akuntola mulubansa lwa mukati lwa Ŋanda yakwe. Mpeeke bulemu ubo bwa Mwaami Lesa bwakesula muŊanda yakwe.

Esekelo 43:8

Bamaami ndibakayaka milyango yabo lubamba amilyango yangu, ee, ndibakashimpika shisamu sha kumilyango lubamba ashisamu shangu sha kumilyango, cakwaamba ayi pakati kesu pakalinga kwiindabo lubumbu, bakasebaanya liina lyangu kushintu shilensha bunya shoonse nshebakalinga kucita. Paceebo ceeco ndakabanyonyoola mubukali bwangu.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

Esekelo 8:5

Mpomunyaawo Lesa wakaŋambila ayi, “Webo omuntu, langa kulubasu lwa kumalenge.” Anebo ndakacebuka akubona cibumbwabumbwa ico cikalasha Mwaami Lesa kufwaafwi acipaililo munshaamulyango wa kumwinjililo.

Esekelo 9:2

Mpomunyaawo ndakabona basankwa bosanwe awomwi kabaswita kulubasu lwa mwinjililo wa peculu ulangite kumatwa, womwi awomwi kaacite cilwanisho cicaya. Pabantu aba pakalinga amuntu wakalinga kufwete shakufwala sha nsalu iteshimite uyo wakalinga kucite shilembesho palubasu lwakwe. Bakenjila akwiimikanina kulubasu lwa cipaililo ca bulonse.

Danyelo 10:10

Lyalo lyaansa lyakancata akunengeshe kwiimikana bukalaba mwaana. Ndakalinga kucitutuma.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Danyelo 5:5

Cakuteengashila lyaansa lya muntu lyakaboneka akutalika kulemba palubumbu lwa ŋanda ya bwaami apo pakalinga kwiindaawo kutuba mukwiinga malampi akalinga kumunika abuumbi palubasu apo. Lyaansa ilyo Mwaami wakalibona kalilemba.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 6:15

Na mukalambile balesa bamwi, bukali bwa Mwaami Lesa bulaakwisa pali ndimwe mbuli mulilo akumunyonyoola noonse cakumaninina mukwiinga Mwaami Lesa, Lesa wanu uyo ngomuli akwe ngushibusuba kubaabo balambila balesa bamwi.

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.