Esekelo 8:16 - Baibo Busansulushi Bwa Libuku Ili

¹⁶ Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Esekelo 8:16 Marejeleo ya Msalaba

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

2 Baami 16:14

Cipaililo cakapangwa abulonse cakabengwa kuMwaami Lesa cakalinga pakati ka cipaililo cipya aŊanda yakwe Lesa. Lyalo Aasi wakacisenya kumatwa acipaililo cipya.

2 Baami 21:5

Mumansa shobilo sha Ŋanda yakwe Lesa, wakayakaamo shipaililo shakulambililaamo nyenyeenshi.

2 Baami 23:11

Wakakushaawo amaaki ayo bamaami ba bene Juda ngobakalinga kubenga kulisuba alimwi ashikoci nshebakalinga kusebensesha pakulambila lisuba. Shintu ishi shakalinga kwikala mulubansa lwa Ŋanda yakwe Lesa, pafwaafwi amwinjililo kuteshi kulaale apakalinga kwikala Natani Meleki uyo wakalinga wacinenenene.

2 Baami 23:5

Wakakusha ncito bapailishi boonse abo bamaami ba bene Juda mbobakenjisha ayi banoobenga milambu mumisena yakulambililaako ya patulundu mumandabala a muJuda alimwi ayeeyo yakalinga kushingulukite Jelusalemu. Nkokwaamba ayi bapailishi boonse abo bakalinga kubenga milambu kuli Baali, kulisuba, kumweenshi, alimwi akunyenyeenshi.

2 Makani 29:6

Bamashali besu bakulukulu tebakalinga kushomeka kuMwaami Lesa, Lesa wesu alimwi bakacita shitaluleme pameenso akwe. Bakamukaka akufutatila musena wa bulemu bwakwe.

2 Makani 7:7

Lyalo Solomoni wakasalasha musena wa pakati ka lubansa lwa Ŋanda yakwe Lesa wakalinga kunembo lya njiyo. Lyalo wakabengelaako milambu yakutenta aya banyama bakabumbulu. Wakabenga ashipo sha fulaulo alimwi amafuta a banyama ayi njimilambu ya bwanabwankashi. Wakacita boobo mukwiinga cipaililo cakapangwa abulonse cakaceya kwaamba ayi babengelewo milambu yoonse iyi.

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Esekelo 10:3

Bakelebu bakalinga kwiimfwili kulubasu lwa kumalenge lya Ŋanda yakwe Lesa muntu uyo ndyaakenjila, likumbi lyakesula lubansa lwa mukati.

Esekelo 11:1

Mpeeke Mushimu wakwe Lesa wakanyamuna akuntola kumwinjililo wa Ŋanda ya Mwaami Lesa wakalinga kulangite kwicwe. Ono kumulyango wa mwinjililo kwakalinga basankwa bali 25. Pakati kabo ndakabonawo Jaasaniya mwanaakwe Asuli alimwi aPelatiya mwanaakwe Benaya abo bakalinga bamatanjilili ba bantu.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Esekelo 23:39

Bushiku bweenka ubo mbobakabenga bana babo ayi ngumulambu kushibumbwabumbwa, bakesa kuŊanda yangu akwiibisha.

Esekelo 40:28

Mpomunyaawo muntu uyu wakanyinsha kumwinjililo wakumalenge akuntola kulubansa lwa mukati. Lyalo wakapima mwinjililo uyo akucana ayi wakalinga kweelene awa mulubumbu lwa pansengwe.

Esekelo 40:6

Kuswawaawo wakaya kumwinjililo ulangite kwicwe. Wakatanta pamatantilo, wapima mwinjililo akucana ayi ulicite mamita ali 3.

Esekelo 43:5

Mpomunyaawo Mushimu wa Mwaami Lesa wakanyamuna akuntola mulubansa lwa mukati lwa Ŋanda yakwe. Mpeeke bulemu ubo bwa Mwaami Lesa bwakesula muŊanda yakwe.

Esekelo 43:8

Bamaami ndibakayaka milyango yabo lubamba amilyango yangu, ee, ndibakashimpika shisamu sha kumilyango lubamba ashisamu shangu sha kumilyango, cakwaamba ayi pakati kesu pakalinga kwiindabo lubumbu, bakasebaanya liina lyangu kushintu shilensha bunya shoonse nshebakalinga kucita. Paceebo ceeco ndakabanyonyoola mubukali bwangu.

Esekelo 45:19

Mupailishi ulaakubwesa bulowa bumwi bwa mulambu wakulekelelwa shibiibi akusanseela kushisamu sha kumulyango wa Ŋanda yangu, kumakonko one oonse a cipaililo alimwi akushisamu sha kuminjililo yakuya mulubansa lwa mukati.

Esekelo 46:1

Mwaami Lesa Shinkusu shoonse wakaamba ayi, “Mwinjililo wakwicwe uya kulubansa lwa mukati ulyeelete kunoocalitwebo panshiku shosanwe abomwi shakusebensa akucalulwa pabushiku bwakookesha bwa Cibelu alimwi apabushiku bwakusekelela Mweenshi Upya.

Esekelo 7:23

“Amubambe ncetani ceebo cishi ciliswitebo beshikutila bulowa aalo mandabala oonse anene aliswitebo shalunkutwe.

Esekelo 8:15

Mpeeke wakaŋambila ayi, “Webo omuntu, sa te washibona ishi? Utoobona shintu shilensha bunya kwiinda sheeshi.”

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.