Esekelo 7:5 - Baibo Busansulushi Bwa Libuku Ili

⁵ “Mwaami Lesa Shinkusu shoonse waamba ayi, ‘Mapensho, ee, mapensho atoosa ayo atana kunyumfwikaawo kale.

Esekelo 7:5 Marejeleo ya Msalaba

Tushimpi 13:21

Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Isaya 21:12

Shikulindilila wakumbula ayi, “Macuunsa atoosa, sombi aalo mashiku acisa. Na unanoocisuni kwiipusha, use wiipushe alimwi.”

Jelemiya 19:3

Ukaambe ayi, ‘Nobamaami ba bene Juda anobantu ba kuJelusalemu, amukutike maswi a Mwaami Lesa Shinkusu shoonse, Lesa wa bene Isilaeli. Amukutike! Ndaakuleta mapensho kumusena uno ayo eshi akalengeshe matwi a wooyo woonse weshi akaanyuumfwe kutilimuka.

Esekelo 5:9

Ceebo ca shibumbwabumbwa shanu shilensha bunya, ndaakumucita nceentana kucitawo kale alimwi teshi nkacicitewo tubili.

Esekelo 7:12

Ciindi cashikila, bushiku bwashika. Shikuula atasangalali, alakwe shikuulisha atoongumani ceebo bukali buli pabantu boonse.

Esekelo 7:2

“Webo omuntu, pacishi ca Isilaeli, nebo neMwaami Lesa Shinkusu shoonse ndaamba ayi, ‘Aya ngomeelelesho! Meelelesho ashika kumbasu shoonse shone sha cishi.

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Naamu 1:9

Shintu shoonse balwani abo nshebapinga kucita kuMwaami Lesa, ulaakushilengesha kumaninina. Ncakwiila Mwaami Lesa taabooshi cishole lyobilo.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Mateyo 24:21

Mukwiinga mapensho eshi akabeeko ciindi ico taakwe kubonekawo kale, kuswabo Lesa ndyaakalenga cishi ca panshi kushikila asunu. Ncakwiila teshi akabooleewo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.