Esekelo 7:13 - Baibo Busansulushi Bwa Libuku Ili

¹³ Shikuulisha teshi akacane tubili musena uyo ngwaakoolisha mubuumi bwakwe boonse ceebo bukali bwa Mwaami Lesa bulaakushikila bamucita shibi boonse. Taaku aweshi akacaaleewo ceebo cakucita shibiibi.

Esekelo 7:13 Marejeleo ya Msalaba

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

Jobo 15:25

Ono ico ncecicitika kumuntu ufungila Lesa likoofi. Ee, uyo ulisumpula pameenso akwe Lesa Shinkusu shoonse

Bene Lefi 25:31

Alo maanda a mumishi atacite malinga alyeelete kubabo anga njimyuunda. Beene maanda bataanshi balicite nkusu shakwaawula, alimwi alyeelete kubooshekwa muMwaaka wa Lwaanguluko.

Esita 8:8

Anu mwebo amulembe mulawo wakufuna baJuda kweelana ambomusuni. Muuleembe muliina lyangu akuumawo ninga yangu ya keshibilo mukwiinga taaku makani akalembwa muliina lyangu akuumwa ninga yangu yakeshibilo eenga asandulwa.”

Bene Lefi 25:13

“Mumwaaka ngomunya uyu, myuunda yakoolishikwa ilaakubooshekwa kubeene bataanshi.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Esekelo 12:28

Paceebo ceeci baambile ayi nebo neMwaami Lesa Shinkusu shoonse ndaamba ayi, ‘Taaku maswi angu eshi akanoocelwa kucitika. Shoonse nshendakaamba shilaakucitika. Nebo neMwaami Lesa Shinkusu shoonse ndaamba.’ ”