Esekelo 6:7 - Baibo Busansulushi Bwa Libuku Ili

⁷ Bantu balaakucaikwa pakati kabo kumbasu shoonse sha cishi. Abo beshibakacaaleewo balaakusumina ayi nebo ndi Mwaami Lesa.

Esekelo 6:7 Marejeleo ya Msalaba

2 Baami 19:19

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Kulonga 14:18

Na mbakoome, bene Ijipiti ndyeshi beshibe ayi ndime mwaami Lesa.”

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 7:5

Lyalo bene Ijipiti balaakwishiba ayi nebo ndime Mwaami Lesa, ndaakutandabika lyaansa lyangu lyankusu pali mbabo alimwi akukusha bene Isilaeli mucishi cabo.”

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 25:33

Ciindi ico abo boonse beshi bakacaikwe kuMwaami Lesa balaakunoolibo luundu loonse. Nkokwaamba ayi kuswa kweela cishi kuya mukushika ankoceela. Teshi bakabunjikweewo nabi kufukilwa. Sombi balaakubabo anga ngamatombe apantantaala peculu lya nshi.

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Esekelo 11:10

Mulaakufwa kunkondo mweenka mucishi canu. Lyalo ndyeshi mukeshibe ayi nebo ndi Mwaami Lesa.

Esekelo 11:12

Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”

Esekelo 12:15

“Ndaakumana kubatandila pakati ka mishobo imwi akubapalanganishisha mushishi shimwi, ndyeshi bakeshibe ayi nebo ndi Mwaami Lesa.

Esekelo 12:19

Kuswawaawo waambile bene Isilaeli ayi, pabantu bekala muJelusalemu amucishi ca Isilaeli Mwaami Lesa Shinkusu shoonse waamba ayi, ‘Balaakunoolya shakulya shabo cakulisukama akunwa maanshi caboowa. Shintu shoonse sha mucishi cabo shilaakubwesekwa ceebo ca shintu shalunkutwe sha bantu boonse bekalaamo.

Esekelo 13:14

Ndaakumwaya lubumbu ulo ndomwakashingula abulongo butuba. Ndaakulupalanganya cakwaamba ayi alwiimbi lulaakucaalabo patuba. Na lukawe, amwebo mulaakunyonyoolwa andulo. Lyalo ndyeshi mukeshibe ayi nebo ndi Mwaami Lesa.’

Esekelo 13:21

Ndaakumufuula shitambala shanu sha musamu akupulusha bantu bangu kuswa mumaansaanu. Ncakwiila teshi mukabeendeleshewo tubili. Lyalo ndyeshi mukeshibe ayi nebo ndi Mwaami Lesa.’

Esekelo 13:23

Paceebo ceeco teshi mukabonewo tubili shili anga nshiloto shanu shabubeshi nabi kulaluka shakucenjeeka. Ndaakupulusha bantu bangu kuswa mumaansaanu. Lyalo ndyeshi mukeshibe ayi nebo ndi Mwaami Lesa.”

Esekelo 13:9

Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’

Esekelo 14:8

Muntu uyo ndaakumupata akumusandula kuba citondesho kubamwi alimwi akuba kashimi. Ndaakumukusha pakati ka bantu bangu. Lyalo ndyeshi mukeshibe ayi nebo ndi Mwaami Lesa.

Esekelo 15:7

Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Esekelo 20:26

Ndakabaleka ayi balibiishe kwiinda mumilambu yabo, bunene bunene pakubenga bana babo bakwiiya ayi njimilambu. Ndakacita boobo kwaamba ayi bakaloonde akwishiba ayi nebo ndi Mwaami Lesa.’

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 20:42

Mulaakwishiba ayi anu ndi Mwaami Lesa na nkamubooshe mucishi ca Isilaeli, cishi ico ncendakashomesha cakulumbila kaantambikite lyaansa mwiculu ayi ndaakucipa bamashali banu bakulukulu.

Esekelo 20:44

Mulaakwishiba ayi anu ndi Mwaami Lesa ciindi ndaakumucitila shintu ceebo ca liina lyangu kuteshi kweelana anshila shanu shibiibi alimwi amicito yanu ibiibi, mwebo nobene Isilaeli. Nebo neMwaami Lesa Shinkusu shoonse ndaamba.’ ”

Esekelo 22:16

Mwaakutongoolwa kunembo lya mishobo imwi, ndyeshi mukeshibe ayi nebo ndime Mwaami Lesa.’ ”

Esekelo 23:49

Banakashi abo ndaakubapa mulandu ceebo ca bufuule bwabo alimwi akulambila shibumbwabumbwa kwabo. Lyalo ndyeshi mukeshibe ayi nebo ndi Mwaami Lesa.”

Esekelo 24:24

Esekelo waba citondesho kuli ndimwe, mulaakucita bweenka mbwaacita. Shintu ishi shaakucitika, ndyeshi mukeshibe ayi nebo ndi Mwaami Lesa.’ ”

Esekelo 24:27

Paciindi ico ulaakukonsha kwaamba. Ulaakubandikaakwe alimwi teshi ukoomunewo tubili. Paceebo ceeco ulaakuba citondesho kuli mbabo. Lyalo ndyeshi bakeshibe ayi nebo ndi Mwaami Lesa.”

Esekelo 25:17

Ndaakubabooshesha cishole cinene akubapa mulandu mubukali bwangu buyoosha. Lyalo ndyeshi bakeshibe ayi nebo ndi Mwaami Lesa.’ ”

Esekelo 26:6

alimwi akucaya bantu bekala mumishi yako ili kuloombe lwa lweenge kumipeeni. Lyalo ndyeshi bakeshibe ayi nebo ndi Mwaami Lesa.’

Esekelo 28:23

Ndaakutuma mwaalu muli ndiwe akulengesha bulowa kukunka mumikwakwa yako. Bantu bako balaakucaikwa muli ndiwe. Inkondo ilaakukupolela kuswa kumbasu shoonse. Lyalo bantu ndyeshi bakeshibe ayi nebo ndi Mwaami Lesa.’ ”

Esekelo 30:26

Ndaakupalanganishisha bene Ijipiti pakati ka mishobo ya mucishi ca panshi coonse. Lyalo ndyeshi bakeshibe ayi nebo ndi Mwaami Lesa.’ ”

Esekelo 32:15

Bushiku ndaakusandula cishi ca Ijipiti kuba luyanga, akunyonyoola shoonse shili mucishi ico, alimwi ndaakucaya bantu boonse bekalaamo, balaakwishiba ayi nebo ndi Mwaami Lesa.

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Esekelo 6:8

“ ‘Nakubi boobo bamwi ndaakubaleka ayi baloboke kucaikwa uko, sombi ndaakubapalanganishisha pakati ka mishobo ya mucishi ca panshi coonse.

Esekelo 7:4

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa.’

Esekelo 7:9

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa uyo umupa mulandu.’ ”

Esekelo 9:7

Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.