Esekelo 5:8 - Baibo Busansulushi Bwa Libuku Ili

⁸ “Aboobo nebo neMwaami Lesa Shinkusu shoonse waamba ayi, ‘Nebo nemwiine ntoomulwana mwebo nobene Jelusalemu alimwi ndaakukupa mulandu bamumishobo imwi kababweneeko.

Esekelo 5:8 Marejeleo ya Msalaba

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Malilo 2:5

Mwaami Lesa wakanyonyoola Isilaeli bweenka mbuli mulwani. Ee, wakamana kunyonyoola maanda a bwaami ashiyubilo sha mumo shoonse. Ncakwiila wakanungilako kulila akuungumana mucishi ca Juda.

Malilo 3:3

Ndushinisho wakanguma lyobilo lyobilo. Ee, wakanguma cakubula kunyumfwila nkumbu.

Esekelo 11:9

Ndaakumutandaanya mundabala akumwaaba mumaansa a baswamashi alimwi akumupa mulandu.

Esekelo 13:8

“Paceebo ceeci nebo neMwaami Lesa Shinkusu shoonse ndaamba ayi, ‘Ceebo ca maswi anu abubeshi alimwi ashili anga nshiloto nshemubona nshabubeshi, nebo ndimupatite.

Esekelo 15:7

Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Esekelo 16:41

Balaakukutentela maanda akukupa mulandu pameenso a banakashi baanji. Ndaakumana bufuule bwako alimwi teshi ukalipilewo tubili basunikwi bako.

Esekelo 21:3

akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.

Esekelo 28:22

akwiilwiita ayi nebo neMwaami Lesa Shinkusu shoonse ndaamba ayi, ‘Webo Sidoni, ntooyanda kukulwana alimwi ndaakuba abulemu ceebo ca sheesho nsheshi nkakuciite. Ndaakumana kukupa mulandu akulitondesha ayi ndisalalite, bantu balaakwishiba ayi nebo ndi Mwaami Lesa.

Esekelo 30:19

Anu ubo mbweshi nkape mulandu cishi ca Ijipiti. Lyalo bantu ndyeshi bakeshibe ayi nebo ndi Mwaami Lesa.’ ”

Esekelo 34:10

Nebo neMwaami Lesa Shinkusu shoonse ndaamba ayi, ‘Nobeembeshi, ndaakumulwana akumupa mulandu palitanga lyangu. Ndaakumukasha kulama litanga langu kwaamba ayi mwebo mutakaliwo tubili mbelele sha ndilyo. Ndaakushifuna kumilomo yanu. Ncakwiila teshi mukashilyewo tubili.

Esekelo 35:3

nebo neMwaami Lesa Shinkusu shoonse ndaamba ayi, ‘Webo oKalundu ka Siya, ntookulwana. Ndaakutambika lyaansa lyangu akukulengesha kuba luyanga.

Esekelo 39:1

Mpeeke Mwaami Lesa wakaŋambila ayi, “Webo omuntu, laluka mapensho kuli Gogi akumulwiita ayi nebo neMwaami Lesa Shinkusu shoonse ntokwaamba ayi, ‘Webo Gogi omuleli munene wa bene Mesheki aTubali, ntookulwana.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Naamu 2:13

Mwaami Lesa waamba ayi, “Ndi mulwani wako ondabala ya Ninife. Ndaakutenta shikoci shako shoonse. Ndaakunyonyoola bashilumamba abo kunkondo. Ndaakukunyaya shoonse nshemwakasaala kubantu bamwi. Maswi abeshinkombe banu teshi akanyumfwikeewo tubili.”

Mateyo 22:7

Mpomunyaawo mwaami wakakalala abuumbi. Mpeeke wakatuma bashilumamba bakwe kuya mukunyonyoola bacayi abo akutenta ndabala yabo inene.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.