Esekelo 5:6 - Baibo Busansulushi Bwa Libuku Ili

⁶ Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Esekelo 5:6 Marejeleo ya Msalaba

2 Baami 21:11

“Manase mwaami wa bene Juda wacita shibiibi ishi shiyoosha, ncakwiila shiinda pasheesho sha bene Amoli abo bataanshi kwikala mucishi ico. Wakatanjilila bene Juda mukubisha kwiinda mukulambila shibumbwabumbwa shakwe.

2 Baami 21:9

Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Neyemiya 9:35

Mwakalinga kubapa coolwe mubulelo bwabo ee, ndibakalinga kwikala mucishi cinene cicite bulongo bubotu ico ncemwakabapa, sombi bakaalilwa kusanduka kuswa kushibiibi shabo akumusebensela.

Kulumbaisha 106:20

Bakashiya Lesa wabulemu akulambila cibumbwabumbwa ca mucende uyo ulya bwiisu.

Kulumbaisha 78:10

Tabakwe kulama cipangano cakwe Lesa, bakakaka kukonkela milawo yakwe.

Kulonga 16:28

Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu?

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Esekelo 11:12

Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”

Esekelo 16:51

“ ‘Samaliya taakwe kushikawo nabi pamusa wa shibiibi nshewakacita. Webo wakacita shintu shilensha bunya shiinji kwiinda nguwe. Webo wakalengesha bamakwanu banakashi kuboneka anga balo baliluleme na tweelanisha asheesho nshewakacita webo.

Danyelo 9:15

“NoBaami baLesa, baLesa besu, mwakatondesha nkusu shanu mukukusha bantu banu kuswa mucishi ca Ijipiti. Nkusu shanu isho shiciyeeyekwa asunu. Sombi twakabisha alimwi twakalubisha.

Danyelo 9:5

Twakabisha, twalinga kucita bubi alimwi twakalubisha. Twakafutatila milawo amilasho yanu.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.

Sekaliya 7:11

“Sombi bantu bangu bakakaka kunyumfwa. Ncakwiila bakacala matwi abo

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.