Esekelo 5:5 - Baibo Busansulushi Bwa Libuku Ili

⁵ Mwaami Lesa Shinkusu shoonse waamba ayi, “Iyi nindabala ya Jelusalemu iyo njendakabika pakati ka cishi ca panshi coonse. Ncakwiila mishobo imwi yoonse iliishingulukite.

Esekelo 5:5 Marejeleo ya Msalaba

Kulumbaisha 87:3

Ondabala yakwe Lesa, nyumfwa shakukulumbaisha isho shitokwambwa pali ndiwe.

Jelemiya 6:6

Mwaami Lesa Shinkusu shoonse utokwaamba ayi, “Amuteme shisamu muyake cakutantaawo pakulwana ayi ndabala ya Jelusalemu twiishinguluke. Ndabala iyi ilyeelete kupekwa mulandu ceebo iliswitebo kulyatililana.

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Esekelo 16:14

Wakaya mpuwo pakati ka mishobo yoonse ceebo ca bubotu bwako mukwiinga bulemu mbondakakupa bwakakulengesha bubotu bwako kwiindaawo. Nebo neMwaami Lesa Shinkusu shoonse ndaamba.

Esekelo 4:1

Mpomunyaawo Lesa wakaŋambila ayi, “Webo omuntu, bwesa lucelwa ulubike kunembo lyako akutalaawo ndabala ya Jelusalemu.

Esekelo 5:4

Ono ukabweseewo tuniini panjiyo akutuwaala mumulilo ayi tupye. Mutumisusu uto mweshi mukaswe mulilo uyo weshi ukamwaikile kumushobo woonse wa bene Isilaeli.”

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Mateyo 5:14

“Mwebo ndimwe mumuni wa cishi. Ndabala inene iyakitwe pakalundu taikoonshi kushisikwa.

1 Bene Kolinto 10:4

akunwa cakunwa comwi ca mushimu ceebo bakalinga kunwa maanshi akalinga kuswa mumwaandami wa mushimu ngobakalinga kweendaawo. Mwaandami uyo wakalinga nguKlistu.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Dutolonomi 8:20

Na mukabule kunyumfwila Mwaami Lesa mulaakunyonyoolwa bweenka mbweshi akanyonyoole bantu mushishi mweshi mukeende pakunooya.