Esekelo 5:11 - Baibo Busansulushi Bwa Libuku Ili

¹¹ “Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Esekelo 5:11 Marejeleo ya Msalaba

2 Baami 21:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa.”

2 Baami 21:7

Wakabika cikoshanyo cakwe Ashela lesa mwanakashi muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwaamo.

2 Baami 23:12

Mwaami Josiya wakapwaya shipaililo shakalinga shayaka bamaami ba bene Juda paciluli ca ŋanda ya bwaami, peculu lya cipinda ca mwaami Aasi. Wakapwaya ashipaililo shakayaka mwaami Manase mumansa shobilo sha Ŋanda yakwe Lesa. Wakapwayoola shipaililo isho shakaboolabo anga ngumuseese! Mpeeke wakashisowa muCinyika ca Kidiloni.

2 Makani 33:4

Wakayaka shipaililo sha bakunsengwe muŊanda yakwe Lesa umo Mwaami Lesa mwakaamba ayi, “MuJelusalemu mweshi nkanoolambililwa kwalyoonse alyoonse.”

2 Makani 33:7

Wakabika cikoshanyo cakubesa muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwa.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Jobo 27:22

Cipuupu ici cilaakumupupila cakubula nkumbu. Cilaakumupupila cankusu nabi akeeleshe kucica.

Kulumbaisha 107:39

Ono bantu bakwe Lesa ndibakakomwa akulenshekwa nsoni, kwiinda mukulyatililwa, mumapensho alimwi amubuumba,

Kulumbaisha 95:11

Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”

Jelemiya 10:24

NoBaami baLesa, amundulike, mubululami bwanu, kuteshi mubukali bwanu ceebo inga mwanyonyoola cakumaninina.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 32:34

Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.

Esekelo 11:18

“Balaakuboolela mucishi cabo, bakakusheemo shikoshanyo shoonse shifundoosha kumoyo shiliimo alimwi ashibumbwabumbwa shilensha bunya.

Esekelo 11:21

Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 23:28

Ono Mwaami Lesa Shinkusu shoonse waamba ayi, “Ntooyanda kukwaaba mumaansa a bantu abo mboopatite, ee, abo mbowakashiya koocimitwe.

Esekelo 23:38

Tabakwe kucitabo sheenka ishi, sobwe. Paciindi ceenka ico bakabisha amusena wangu usalalite akutyola bushiku bwangu bwakookesha bwa Cibelu.

Esekelo 23:39

Bushiku bweenka ubo mbobakabenga bana babo ayi ngumulambu kushibumbwabumbwa, bakesa kuŊanda yangu akwiibisha.

Esekelo 24:14

“Nebo neMwaami Lesa ndime ntokwaamba. Ciindi cangu cakucitawo comwi pali ndiwe cashikila. Teshi nkaboolewo pesule, kufwa nkumbu nabi kukulekabo, sobwe. Ulaakupekwa mulandu kweelana abwikaalo bwako alimwi amicito yako. Nebo neMwaami Lesa Shinkusu shoonse ndaamba.”

Esekelo 29:15

ee, butacite nkusu kwiinda malelo amwi oonse. Teshi bakalelewo tubili mushobo umwi uli woonse. Ndaakulengesha bulelo bwabo kubula nkusu cakwaamba ayi teshi bakalisumpulewo tubili pamushobo umwi uli woonse.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 43:8

Bamaami ndibakayaka milyango yabo lubamba amilyango yangu, ee, ndibakashimpika shisamu sha kumilyango lubamba ashisamu shangu sha kumilyango, cakwaamba ayi pakati kesu pakalinga kwiindabo lubumbu, bakasebaanya liina lyangu kushintu shilensha bunya shoonse nshebakalinga kucita. Paceebo ceeco ndakabanyonyoola mubukali bwangu.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Esekelo 5:7

“Paceebo ceeco nebo neMwaami Lesa Shinkusu shoonse ndaamba ayi, ‘Bwaashu bwanu bwakomena kwiinda mishobo imushingulukite alimwi tamukonkeli milasho amilawo yangu. Sombi mwakonkela milawo ya mishobo imwi imushingulukite.’

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

Esekelo 7:4

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa.’

Esekelo 7:9

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa uyo umupa mulandu.’ ”

Esekelo 8:15

Mpeeke wakaŋambila ayi, “Webo omuntu, sa te washibona ishi? Utoobona shintu shilensha bunya kwiinda sheeshi.”

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Esekelo 9:5

Kaanyumfwite wakaambila bamwi ayi, “Amumukonkele mundabala akucaya. Mutanyumfwiliwo nkumbu nabi kulangabo muntu uli woonse.

Bene Lefi 15:31

“Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Sekaliya 11:6

Paceebo ceeci teshi nkabanyumfwilewo nkumbu bantu ba mucishi ici. Muntu woonse ndaakumwaaba kuli shikamukobonyina akumwaami wakwe. Bantu aba balaakubalyatilila, sombi nebo teshi nkabafuneewo sobwe. Nebo neMwaami Lesa ndaamba.”

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Bene Loma 11:12

Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?

Bene Loma 11:21

Ono na Lesa taakwe kulekabo bene Isilaeli, abo bali anga njimisampi iineiine, sa mutooyeeya ayi inga wamulekabo mwebo?

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Bene Ebulu 6:13

Ono Lesa ndyaakashomesha kupa Abulaamu cintu cimwi, wakalumbila ayi ulaakucita kweelana akushomesha kwakwe. Ono mukwiinga tekwakalinga umwi munene kwiinda pali nguwe, Lesa wakasebensesha liina lyakwe mwiine pakulumbila.