Esekelo 48:11 - Baibo Busansulushi Bwa Libuku Ili

¹¹ Musena usalalite uyo ulaakuba wa bapailishi ba mulunyungu lwakwe Sadoki ceebo balo bakansebensela cakushomeka. Tabakwe kukonkela bene Isilaeli boonse mukubisha bwakacita bamumukowa wa bene Lefi bamwi.

Esekelo 48:11 Marejeleo ya Msalaba

Esekelo 44:10

Mpeeke Mwaami Lesa Shinkusu shoonse wakandwiita ayi, “Bene Lefi abene Isilaeli abo bakamfutatila kuya mukulambila shibumbwabumbwa ntoobapa mulandu.

Esekelo 40:46

Cipinda cilangite kumalenge nca bapailishi basebensela kucipaililo. Bapailishi boonse mbamulunyungu lwakwe Sadoki. Aba mbobantu beenkabo mumukowa wakwe Lefi basuminishikwa kusebensela Mwaami Lesa muŊanda yakwe.”

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Esekelo 43:19

Bapailishi bene Lefi bamulunyungu lwakwe Sadoki beenkabo mbobeelete kwisa kunembo lyangu mukunsebensela. Nebo neMwaami Lesa Shinkusu shoonse ndime ndapa mulawo uyu. Mulaakubapa mucende mwaana pakubenga mulambu wakulekelelwa shibiibi.

Bene Lefi 8:35

Mulyeelete kunooshiite pamulyango wa Tente ya Cipangano malumwi amashiku kwanshiku shili shosanwe ashobilo akucita caamba Mwaami Lesa. Na mukabule kucita boobo, mulaakufwa. Anu Mwaami Lesa mbwaakandwiita ubo.”

Esekelo 14:11

Ndaakucita boobo kwaamba ayi bene Isilaeli bakabule kunshiya akulibisha tubili ceebo ca shibiibi shabo. Balaakuba bantu bangu anebo ndaakuba Lesa wabo. Nebo neMwaami Lesa Shinkusu shoonse ndaamba.’ ”

Esekelo 44:12

Sombi ceebo cakwaamba ayi bakasebensela bantu abo kunembo lya shibumbwabumbwa shabo akulengesha bene Isilaeli kubisha, nebo neMwaami Lesa ndashomesha cakulumbila ayi, ‘Balyeelete kupekwa mulandu kweelana akubisha kwabo.

Esekelo 45:4

Cilaakuba cipansha cisalalite mucishi, musena uyo wakabikwa palubasu ayi ngwa bapailishi abo basebensela ndime neMwaami Lesa muŊanda yangu. Kumusena uyo nkweshi kukabe maandaabo alimwi amusena usalala wa Ŋanda yangu.

Esekelo 48:12

Paceebo ceeco balyeelete kupekwa musena ubambene awa bene Lefi alimwi ulaakuba musena usalalite kwiinda misena yoonse.