Esekelo 47:8 - Baibo Busansulushi Bwa Libuku Ili

⁸ Mpeeke wakandwiita ayi, “Maanshi aya alakunka kwiinda mucishi kululama kwicwe kuya mukulokela muCinyika ca Joodani tibili amuLweenge lwa Mwiinyo. Ono maanshi ayo ashika muLweenge ulo, alalengesha maanshi a mwiinyo kuba maanshi abotu.

Esekelo 47:8 Marejeleo ya Msalaba

Kulonga 15:25

Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Isaya 35:1

Luyanga lulaakusangalala alyalo liwesa lilaakusangalala akusapula maluba.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 49:9

Ndaakwaambila bali muntolongo ayi, ‘Kamuya ono mwaanguluka!’ Abalo beshi bakanooli mumunshinshe ndaakubaambila ayi, ‘Amusweemo muye mumumuni!’ Lyalo balaakuba anga nimbelele shilita munkunamo sha tulundu.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Dutolonomi 3:17

Kuya kumbo cishi cabo cakalinga kweela kuMulonga wa Joodani, kumatwa cakalinga kuswa kuCishiba ca Galili kuya mukweela kuLweenge lwa Mwiinyo kumalenge. Kuya kwicwe cakalinga kweela munshaaKalundu ka Pisiga.

Dutolonomi 4:49

Cakalinga kubikaako amusena woonse wakalinga kwicwe lya Mulonga wa Joodani kuya mukushika akuLweenge lwa Mwiinyo kulubasu lwa kumalenge. Kuya kwicwe cakalinga kweela munshaaKalundu ka Pisiga.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.