Esekelo 44:5 - Baibo Busansulushi Bwa Libuku Ili

⁵ Mpeeke Mwaami Lesa wakandwiita ayi, “Webo omuntu, langilisha kabotu, ukutikishe akubika maano kusheesho shoonse nsheshi nkulwiite. Ntookulwiita milasho yoonse ya paŊanda yangu nebo neMwaami Lesa. Ubike maano akwishiba bantu beelete kwinjila abeelete kuswa muŊanda yakwe Lesa alimwi abantu batasuminishikwi kwinjila.

Esekelo 44:5 Marejeleo ya Msalaba

Esekelo 40:4

Mpomunyaawo muntu uyo wakandwiita ayi, “Webo omuntu, langilisha kabotu, ukutike akubikaako maano kushoonse nsheshi nkutondeshe ceebo ncewaletelwa kokuno. Wamana uye ulwiite bene Isilaeli shoonse nsheshi ubone.”

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Danyelo 10:12

Lyalo wakaŋambila ayi, “Danyelo utaloondi. Lesa wakanyumfwa mupailo wako kuswabo bushiku butaanshi ubo mbowakayeeya kulibombya kunembo lya Lesa wako kwaamba ayi ube amaano akunyumfwishisha shintu. Anu nebo ncendatuminwa kuli ndiwe ceebo ca mipailo yako yakumbulwa.

Tushimpi 24:32

Ono ndindakabona boobo ndakakutumana akuyeeya, lyalo pasheesho nshendakabona ndakakushawo ciiyo.

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

2 Makani 11:16

Kuswawaawo bene Isilaeli boonse bakalinga kusuni kulambila Mwaami Lesa, Lesa wa bene Isilaeli, bakakonkela bene Lefi kuya kuJelusalemu kwaamba ayi bakabenge milambu kuMwaami Lesa, Lesa wa bamashali babo bakulukulu.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

Kulonga 9:21

Nacibi boobo bamwi tabakwe kubikako maano kumaswi akabacenjesha Mwaami Lesa. Balo bakashiya basha alimwi ashifubwa shabo pansengwe.

Esekelo 42:9

Shipinda sha panshi shakalinga kucite mulyango kulubasu lwa kwicwe na muntu wenjilaamo kuswa mulubansa lwa pansengwe.

Esekelo 46:19

Mpomunyaawo muntu uyo wakantola kumulyango wa shipinda shisalalite shilangite kumatwa pafwaafwi amwinjililo wakumalenge mulubansa lwa mukati. Ishi nshipinda shisalalite sha bapailishi. Kuswawaawo wakantondeka musena uli kumbo lya shipinda isho

Esekelo 47:6

Mpomunyaawo muntu uyo wakandwiita ayi, “Webo omuntu, uboneshe kabotu kabotu shintu ishi.” Lyalo muntu uyo wakantola kuloombe lwa mulonga.

Kulumbaisha 24:3

Anu ngani weelela kutanta kalundu ka Mwaami Lesa? Ngani weelela kwiimikana mumusena wakwe usalalite?