Esekelo 43:2 - Baibo Busansulushi Bwa Libuku Ili

² uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Esekelo 43:2 Marejeleo ya Msalaba

Ciyubululo 18:1

Kuswawaawo ndakabona munjelo umwi kaaswa kwiculu. Wakalinga kucite nkusu shiinji alimwi cishi coonse ca panshi cakabekabeka ceebo ca mumuni wakubala kwakwe.

Esekelo 11:23

Kuswawaawo mumuni utowa uyo wakanyamuka kuswa mundabala akuya mukwikalila peculu lya tulundu tuli kwicwe lwa njiyo.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Ciyubululo 1:15

Shimpanta shakwe shakalinga kubeka anga ngubulonse waswabo mukufulwa. Alyalo liswi lyakwe lyakalinga kunyumfwika anga nkuwoota kwa maanshi.

Esekelo 3:23

Aboobo ndakanyamuka akuya kucinyika ico. Ono kulya ndakabona bulemu bwa Mwaami Lesa bweenka mbuli mbondakabona kuMulonga wa Keba. Ndindakabubona, ndakafukama cakushisha ciwa panshi.

Esekelo 1:24

Ndishakeenda, ndakanyumfwa coongo ca mapapaminwa a nshisho kaawootabo anga ngamaanshi, ee, anga ndiswi lyakwe Lesa shinkusu shoonse ncakwiila anga nciyobeyobe ca likoto lya bashilumamba. Na sheemikana, shakalinga kufunga mapapaminwa a nshisho.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 14:2

Mpeeke ndakanyumfwa liswi kuswa kwiculu lyakalinga kunyumfwika anga ngamaanshi atoowoota alimwi anga ncilulumo cinene. Liswi ili lyakalinga kunyumfwika anga mbeshikulisha tulumbu baanji batoolisha.

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 19:1

Ndishakeenda shoonse ishi, ndakanyumfwa cakalinga kunyumfwika anga nciyobeyobe cinene ca bantu baanji kwiculu kabaamba ayi, “Aalumbaishikwe Lesa! Lupulusho, bulemu alimwi ankusu shoonse nshakwe Lesa wesu!

Joni 12:41

Isaya wakaamba boobo mukwiinga wakabona bulemu bwakwe Jesu, akwaamba shapali nguwe.

Abakuku 3:3

Lesa wakesa kuswa kuEdomu, Lesa usalalite wakesa kuswa kuKalundu ka Palani. Bulemu bwakwe bwakafwekelesha liculu alimwi bamucishi ca panshi boonse bakamulumbaisha.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Ciyubululo 21:11

Yakalinga kubeka ceebo ca bulemu bwakwe Lesa. Ndabala inene iyi yakalinga kubekabo anga ndibwe lyamakwebo libeka abuumbi, ee, anga ndibwe lya maanshi.

Isaya 17:12

Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Esekelo 11:22

Mpomunyaawo bakelebu bakafungulula mapapaminwa abo akutalika kuuluka aalo mawilo akayaabo. Mumuni utowa uyo utondesha bulemu bwakwe Lesa wa bene Isilaeli walo wakalingabo peculu lyabo.

Esekelo 43:4

Mumuni utowa uyo utondesha bulemu bwa Mwaami Lesa wakenjila muŊanda yakwe Lesa kwiinda pamwinjililo ulangite kwicwe.

Esekelo 44:2

Mpeeke Mwaami Lesa wakandwiita ayi, “Mwinjililo uyo ulyeelete kucalikwa. Taweelete kucalulwa, sobwe. Taaku muntu weshi akanoonjililaako. Ulaakunoocalitwebo ceebo nebo neMwaami Lesa, Lesa wa bene Isilaeli mpondenjilila.

Abakuku 3:4

Bulemu bwakwe bwakalinga anga ndisuba litooswa. Mibengebenge yakaswa mumaansaakwe umo mwaakashisa nkusu shakwe.