Esekelo 42:11 - Baibo Busansulushi Bwa Libuku Ili

¹¹ Kunembo lya shipinda sha ŋanda iyo kwakalinga mwakwiinda mweelene amoomo mwakalinga kulubasu lwa kumatwa. Mwakalinga kweelene mubulaamfu amubufwaafwi alimwi mwakalinga kupangitwe mushobo womwi. Ayalo milyango yakalinga kukoshenye.

Esekelo 42:11 Marejeleo ya Msalaba

Esekelo 42:4

Kulubasu lwa kumatwa lya ŋanda iyi kwakalinga mwakwiinda mwakalinga kucite mamita ali 5 mubufwaafwi amamita ali 50 mubulaamfu. Milyango ya shipinda yakalinga kulangite kulubasu lwa kumatwa.

Esekelo 43:11

Ono na bakanyumfwe nsoni pasheesho shoonse nshebacita, ukabapandulwite mbuli Ŋanda yakwe Lesa mbweeyakitwe. Nkokwaamba ayi mboyakayakwa, milyango yakuswitaako ayakwinjililaako alimwi abubete misena ya maanda oonse. Ubapandulwite milawo amilasho yoonse ya pali njiyo.

Esekelo 44:5

Mpeeke Mwaami Lesa wakandwiita ayi, “Webo omuntu, langilisha kabotu, ukutikishe akubika maano kusheesho shoonse nsheshi nkulwiite. Ntookulwiita milasho yoonse ya paŊanda yangu nebo neMwaami Lesa. Ubike maano akwishiba bantu beelete kwinjila abeelete kuswa muŊanda yakwe Lesa alimwi abantu batasuminishikwi kwinjila.

Esekelo 48:30

“Ndabala inene ya Jelusalemu ilaakuba aminjililo ili likumi ayobilo. Mbasu shone sha lubumbu shilaakuba amamita ali 2,250. Mbasu yomwi ayomwi ilaakuba aminjililo yotatwe. Mwinjililo womwi awomwi ulaakutumbwa liina lya mukowa womwi wa bene Isilaeli. Minjililo ili kulubasu lwakumatwa ilaakutumbwa Lubeni, Juda alimwi aLefi. Iyo ili kulubasu lwakwicwe ilaakutumbwa Josefu, Benjameni alimwi aDani. Iyo ili kulubasu lwakumalenge ilaakutumbwa Simyoni Isaka alimwi aSebuluni. Iyo ili kulubasu lwakumbo ilaakutumbwa Gadi, Asha alimwi aNafutali.