Esekelo 4:16 - Baibo Busansulushi Bwa Libuku Ili

¹⁶ Kuswawaawo wakandwiita ayi, “Webo omuntu, ndaakuceesha shakulya muJelusalemu. Bantu balaakunoolya shakulya shakweeleka cakulisukama. Aalo maanshi balaakunoonwa akweeleka mukutyongola.

Esekelo 4:16 Marejeleo ya Msalaba

2 Baami 25:3

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

2 Baami 6:25

Nsala yakakomena ceebo ca ndabala yakalinga kushingulukitwe. Paceebo ceeco mutwi wa mbongolo wakalinga kuulwa maali a silifa ali 80, aalo matyotyoolo a mpolobe kaaulwa maali a silifa ali osanwe

Kulumbaisha 105:16

Mwaami Lesa wakaleta nsala mucishi cabo akunyonyoola shakulya shabo shoonse.

Kulumbaisha 60:3

Bantu banu mwabalengesha kwiinda muciindi ciyumu. Tutooya citalantantabo anga twakolwa waini.

Isaya 3:1

Amubone! Mwaami Lesa, Mwaami Lesa Shinkusu shoonse utooyanda kukusha lucafwo lwakwe lwa mushobo uli woonse muJelusalemu amucishi ca Juda. Utooyanda kucileka kubapa shakulya amaanshi.

Jelemiya 52:6

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Malilo 1:11

Bantu ba njiyo boonse batootongela pakuyandoola cakulya. Batooshinta buboni bwabo ashakulya kwaamba ayi babe abuumi. Ndabala iyo itokwaamba ayi, “Amubone, noBaami baLesa akutuyeeya ceebo twacoboka.”

Malilo 5:4

Maanshi akunwa tuloola akuula. Ashalo nkuni kushibona nkuula.

Malilo 5:9

Tuleensha buumi mumaanseesu pakuyandoola cakulya mukwiinga muluyanga muli bacayi.

Esekelo 14:13

“Webo omuntu, na cishi cabisha mukutashomeka kuli ndime, nebo ndaakutandabika lyaansa lyangu mukunyonyoola shakulya sha ncico. Ndaakutuma nsala pabantu ayi bafwe pantu pomwi ashifubwa shabo.

Esekelo 4:15

Lyalo Mwaami Lesa wakaamba ayi, “Ncibotu, anu ntookuleka ukapange shinkwa wako pamulilo wa bufumba bwa ŋombe mumusena wakusebensesha maambukwa a bantu.”

Esekelo 5:16

Ndaakunyonyoola shishango shanu akumulengesha kufwa kunsala. Mulaakunyumfwa kucisa kwa nsala anga njimifwi ikolete iyo yakatumwa kwaamba ayi imucaaye.

Bene Lefi 26:26

Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.

Amosi 4:8

Bantu bakalinga kuya citalantanta kuswa kundabala yomwi tibili akuimwi kuya ciyandoola maanshi akunwa. Nakubi boobo tabakwe kucanaako maanshi akwana kunwa. Sombi mwebo tamukwe kusandukilawo kuli ndime. Nebo neMwaami Lesa ndaamba.”

Ciyubululo 6:5

Mwanaambelele ndyaakalamatula kalamatila watatu, ndakanyumfwa cilengwa cuumi catatu kacaamba ayi, “Kosa!” Mpomunyaawo mwakaswa liaki limwi, lyalo lyakalinga kushiya. Wakalinga kutantiteewo wakalinga kucite cipimo mulyaansa.