Esekelo 39:8 - Baibo Busansulushi Bwa Libuku Ili

⁸ “Nebo neMwaami Lesa Shinkusu shoonse ndaamba ayi, ‘Bushiku ubo bulaakushikila! Shintu isho shilaakucitika. Ubu mbushiku bulya mbooŋambaawo.

Esekelo 39:8 Marejeleo ya Msalaba

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Esekelo 33:33

“Shoonse ishi shaakucitika, alimwi ndushinisho shilaakucitika, lyalo balaakwishiba ayi mulaluki walingaawo pakati kabo.”

Esekelo 38:17

Sa teshi ndiwe ndakalinga kwaambaawo munshiku shakeenda kwiinda mubasebenshi bangu balaluki ba muIsilaeli? Ciindi ico bakalaluka myaaka iinji ayi ndaakukuleta kwisa mukubalwana. Nebo neMwaami Lesa ndaamba.”

Esekelo 39:7

“ ‘Kuswawaawo ndaakulengesha liina lyanu lisalalite kwishibwa pakati ka bantu bangu. Teshi nkasuminishe tubili liina lyangu lisalalite kusebaana. Lyalo mishobo imwi ndyeshi ikeshibe ayi nebo neMwaami Lesa ndi Usalalite wa bene Isilaeli.’

Esekelo 39:9

Pabushiku ubo bantu balya bekala mumandabala ali mucishi ca Isilaeli balaakubwesa shilwanisho akushisandula kuba ninkuni. Nkokwaamba ayi mulilo balaakunookunkisha mayawo aniini aanene, mata amifwi, nkoli alimwi amasumo. Shilaakufula cakwaamba ayi kwamyaaka yosanwe ayobilo teshi bakapengewo nkuni.

2 Pita 3:8

Anu mutalubiiko cintu comwi ici nomusunikwi, cakwaamba ayi taaku bupusano Mwaami Lesa mbwaabona pabushiku bomwi alimwi amyaaka ili cuulu comwi. Kuli nguwe shobilo ishi shilyeelenebo.

Ciyubululo 16:17

Munjelo wasanu abobilo alakwe wakapukwita shakalinga mumbale yakwe ifongomene mumuuwo. Mpomunyaawo liswi lyakoolobeshekwa kuswa pacuuna ca bwaami muŊanda yakwe Lesa kwiculu ayi, “Cacitika ono!”

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.