Esekelo 34:5 - Baibo Busansulushi Bwa Libuku Ili

⁵ Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.

Esekelo 34:5 Marejeleo ya Msalaba

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

2 Makani 18:16

Lyalo Mikaya wakaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Esekelo 34:8

‘Kweelana ambocibete lushinisho ayi nebo neMwaami Lesa Shinkusu shoonse ndi muumi, mbweeke ubo mulyeelete kunyumfwila. Ono ceebo cakwaamba ayi litanga lyangu lyabula mweembeshi, banyama ba muluundu bakacaya mbelele akushilya. Beembeshi bangu tabakwe kuyandoola litanga lyangu, sombi bakalinga kunoolilamabo beene, kuteshi kulama mbelele shangu.’

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Joni 10:2

Sombi muntu uyo unjilila kumulyango, ngomweembeshi wa mbelele.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Esekelo 34:28

Teshi bakasaalweewo tubili kumishobo imwi nabi na kulikwa kubanyama ba muluundu. Balaakwikala kwakubula cakulisukama alimwi taaku muntu weshi akabaloondesheewo.

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Esekelo 33:21

Mumwaaka wamakumi obilo amyaaka yosanwe wa busha bwesu, pabushiku bwasanu bwa mweenshi walikumi, muntu wakaloboka kuJelusalemu wakesa kuli ndime akwaamba ayi, “Ndabala yakakomwa!”

Shakubelenga 27:17

akubalwiita shakucita munkondo kwaamba ayi bantu banu bakabule kuba anga nimbelele shitacite mweembeshi.”

Maako 6:34

Jesu ndyaakasubuka, wakabona bantu baanji kababungene. Lyalo wakabanyumfwila nkumbu mukwiinga bakalinga anga nimbelele shitacite mweembeshi. Lyalo wakatalika kubeeisha shintu shiinji.

Jelemiya 10:21

Nebo ndaamba ayi, “Beembeshi tabacite maano. Tabasengi kuMwaami Lesa ayi abatanjilile. Aboobo tabaswitilili ashalo mbelele shabo shakapalangana.