Esekelo 32:7 - Baibo Busansulushi Bwa Libuku Ili

⁷ Bushiku ubo mbweshi nkakunyonyoole, ndaakufwekelesha liculu akushimya nyenyeenshi. Lisuba ndaakulifwekelesha alikumbi awalo mweenshi teshi ukapeewo mumuni wa nguwo.

Esekelo 32:7 Marejeleo ya Msalaba

Jobo 9:7

Lesa ulicite nkusu shakukasha lisuba ayi litaswi, alimwi akukasha nyenyeenshi ayi shitaboneki.

Tushimpi 13:9

Baluleme bali anga ndilampi linyakisha, sombi bamucita shibi bali anga ndilampi litooyanda kushimika.

Shikushimikila 12:2

Ciindi cilaakushikila mumuni walisuba, wa mweenshi awa nyenyeenshi, ndyeshi ukacileeke kubonekesha. Aalo makumbi alaakuboolela mfula yaakumana.

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Isaya 34:4

Lyalo nyenyeenshi shoonse sha kwiculu shilaakusunguluka, alyalo liculu lilaakufungeelwabo anga nimpasa. Shoonse shibala mwiculu shilaakumana kuloka. Shilaakunoolokabo anga ngamatewu a cisamu ayuma, nabi anga ninkuyu shanyana shitooloka kucisamu.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

Esekelo 31:15

Mwaami Lesa Shinkusu shoonse waamba ayi, “Bushiku mbweshi cikaye kumusena wa bafu, ndaakucifwekelesha amaanshi a mutuntupu tulaamfu ayi ncitondesho cakulila. Ndaakushinka tulonga tuyaako akukasha maanshi aanji a ntuto kukunka. Pakuyuma cisamu ico, ndaakubika munshinshe ushiya mbi patulundu twa Lebanoni akulengesha shisamu sha muluundu shoonse kuyuma.

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 3:15

Lisuba amweenshi shilaakushiyabo mbi ashalo nyenyeenshi shilaakucileka kubala.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Maako 13:24

“Sombi munshiku isho, mapensho na akamaane, lisuba lilaakubabo munshinshe, mweenshi ulaakucileka kumunika,

Luka 21:25

“Kulaakuba shitondesho kulisuba, kumweenshi akunyenyeenshi. Pacishi ca panshi, bantu balaakulisukama akuloonda abuumbi mushishi shoonse, pakunyumfwa kuwoota kwa lweenge amaaba.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.