Esekelo 32:3 - Baibo Busansulushi Bwa Libuku Ili

³ “Ono nebo neMwaami Lesa Shinkusu shoonse ndaamba ayi, ‘Ndaakubunganya bantu baanji akuwaala koombe kangu pali ndiwe ayi ucatwe abalo balaakukukwelela kwitala akoombe kangu.

Esekelo 32:3 Marejeleo ya Msalaba

Jobo 7:12

“Sa ndi shinshimwe wa mulweenge cakwaamba ayi munoonindilila?

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Malilo 1:13

“Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.

Osiya 7:12

Ono baakunooya, ndaakubateya koombe akubacatisha bweenka mupalu mbwaacatisha bayuni. Ndaakubapa mulandu ceebo ca bubi mbobakacita.