Esekelo 32:2 - Baibo Busansulushi Bwa Libuku Ili

² “Webo omuntu, imba lwiimbo lwa buumba kulilila Falawo mwaami wa Ijipiti ayi, ‘Webo ulibo anga ninkalamu pakati ka mishobo imwi, ulibo anga ngushinshimwe mulweenge, shinshimwe usamfoola maanshi mutulonga twakwe. Ulafundaanya maanshi amyeendo yako akulengesha tulonga kuba matipa.’

Esekelo 32:2 Marejeleo ya Msalaba

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

Jobo 41:23

Acalo cipaya cakwe nciyumu nta cakwaamba ayi taaku weenga wakonsha kucifunda.

Jobo 7:12

“Sa ndi shinshimwe wa mulweenge cakwaamba ayi munoonindilila?

Tushimpi 25:26

Muntu ululeme unyumfwila mucita shibi, ulibo anga nkantupu ka maanshi afundeene, nabi mukalo ucite maanshi acite shintu shikola.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Tushimpi 30:30

Shintu isho ninkalamu icite nkusu kwiinda banyama boonse alimwi teeloondi cintu cili coonse,

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 46:7

Ino mbaani aba batoonyamuka anga nguMulonga wa Nailo, ee, anga ngumulonga utoosefuka.

Jelemiya 46:8

Mbene Ijipiti batoonyamuka anga nguMulonga wa Nailo ee, anga ngumulonga utoosefuka. Bene Ijipiti baamba ayi, ‘Tulaakunyamuka akufwekelesha cishi coonse ca panshi. Tulaakunyonyoola mandabala abantu bekalaamo.’

Jelemiya 9:18

Bantu baamba ayi, “Bafwambaane kwisa, bese batulilile kushikila meenso esu asulebo minsonshi, ee, kushikila maanshi akunke kuswa mushikoye shesu.”

Esekelo 26:17

Kuswawaawo balaakulila buumba pali ndimwe akwaamba ayi, Ino wanyonyooka buyani ondabala icite mpuwo! Bantu bako bakalinga kweendela mumaato palweenge! Ncakwiila bantu bako mbobakalinga kulela lweenge, alimwi bakalengesha baabo bakalinga muloombe lwa lweenge kuloonda abuumbi.

Esekelo 27:2

“Webo omuntu, imba lwiimbo lwa malilo pacishi ca Taya.

Esekelo 27:32

Batookulilila cakooloma abuumba, batokwiimba lwiimbo lwa buumba ayi, Ngani wakoomunishikwa anga nindabala ya Taya iyo yalobela panshi peene palweenge?

Esekelo 28:12

“Webo omuntu, imba lwiimbo lwa buumba pamwaami wa Taya umwaambile ayi nebo neMwaami Lesa Shinkusu shoonse ndaamba ayi, ‘Wakalinga citondesho ca bubotu bwancinencine, kooswite busongo alimwi akuboneka kabotu.

Esekelo 29:15

ee, butacite nkusu kwiinda malelo amwi oonse. Teshi bakalelewo tubili mushobo umwi uli woonse. Ndaakulengesha bulelo bwabo kubula nkusu cakwaamba ayi teshi bakalisumpulewo tubili pamushobo umwi uli woonse.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 32:16

“Ulu ndolwiimbo lwa buumba lwakulila cishi ca Ijipiti. Banakashi ba mumishobo yoonse balaakwiimba lwiimbo ulu kulilila cishi ico alimwi amakoto oonse a bantu bakwe. Nebo neMwaami Lesa Shinkusu shoonse ndaamba.”

Esekelo 32:18

“Webo omuntu, lilila bantu baanji baanji ba cishi ca Ijipiti. Tuma bantu abo kumusena wa bafu. Ubatuume pantu pomwi abantu abo beshinkusu ba mumishobo imwi.

Esekelo 34:18

Sa tamuna kukuta kulya mweemfu ubotu? Sa ncibotu kulyatoola mweemfu wanu amyeendo? Sa tamuna kukuta maanshi abotu ngomutoonwa? Sa ncibotu kufundaanya acaala amyeendo yanu?

Esekelo 38:13

Mpeeke bantu ba kuSheba, Dedani abeshimakwebo ba kuTashishi amandabala a ncico oonse balaakukwiipusha ayi, ‘Sa wesa mukusaala? Sa wabunganya likoto lyako lya bashilumamba ayi bese basaale silifa, golodi, shifubwa alimwi abuboni bumwi? Sa mutooyanda kutola shintu shoonse isho?’ ”

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.