Esekelo 30:4 - Baibo Busansulushi Bwa Libuku Ili

⁴ Mulaakuba nkondo mucishi ca Ijipiti amapensho ayoosha mucishi ca Kushi. Bene Ijipiti baakumana kufwa, buboni buliimo bulaakutolwa, acalo cishi coonse cilaakuba matongo.

Esekelo 30:4 Marejeleo ya Msalaba

Esekelo 29:19

Paceebo ceeco nebo neMwaami Lesa Shinkusu shoonse ndaamba ayi, ‘Ntokwaaba cishi ca Ijipiti mumaansaakwe Nebukadinesa mwaami wa bene Babiloni. Ulaakusaala akubwesa buboni bwa cishi ca Ijipiti. Buboni ubo alaakubutola ayi akabusebenseshe kuba malipilo a bashilumamba bakwe.

Esekelo 29:8

“Paceebo ceeco nebo neMwaami Lesa Shinkusu shoonse ndaamba ayi, ‘Ndaakuleta mupeeni kwisa mukucaya bantu bako ashifubwa shako.

Esekelo 29:12

Ndaakulengesha cishi ca Ijipiti kuba musena wiindaawo kubula bantu pashishi sha pacishi ca panshi. Mandabala aliimo alaakuba matongo eene eene kwamyaaka makumi one. Bene Ijipiti ndaakubapalanganishisha pakati ka mishobo ya mucishi ca panshi coonse.’ ”

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Isaya 19:2

Mwaami Lesa waamba ayi, “Ndaakulengesha bene Ijipiti kubukila bene Ijipitinyina. Nkokwaamba ayi musankwa ulaakubukila mukwabo musankwa, shikamukobo ulaakubukila shikamukobonyina, ndabala ilaakubukila ndabalanyina, bulelo bulaakubukila bulelonyina.

Isaya 16:7

Paceebo ceeco boonse bene Moabu batoolila, ee, batoolila cishi cabo. Ndushinisho abalile akulyuungumika ceebo ca shakulya shibotu sha kuKili Aleseti.

Isaya 18:1

Mapensho kubantu bekala kucishi cilila mapepe muya milonga, ee, bekala muya milonga ya mucishi ca Kushi.

Esekelo 38:5

Bashilumamba ba kuPesha, Kushi alimwi aPuti balaakunooli abo boonse kabacite mayawo ashimpoompo.

Danyelo 11:43

Ulaakubwesa buboni bushisitwe bwa cishi ca Ijipiti, nkokwaamba ayi golodi, silifa ashintu sha ncico shimwi sha makwebo. Ulaakulwana akukoma cishi ca Libya aca Sudani.

Sefaniya 2:12

Amwebo nobene Kushi, mulaakuyaswa kumupeeni wa Mwaami Lesa munkondo.

Isaya 20:3

Ndabala ya Ashidodi ndiyakakomwa, Mwaami Lesa wakaamba ayi, “Bweenka Isaya musebenshi wangu mbwaalinga kuya ceendabo matakosha alimwi amyeendobo kwamyaaka yotatwe ayi ncitondesho cakucenjesha bene Ijipiti abene Kushi,

Jelemiya 46:9

Akutumbe kasuko nomaaki! Amucaile cankusu mwebo nobeshishikoci! Kamuya kunembo mwebo nobashilumamba bacibwene kulwana, nobene Kushi anobene Libya nomunyamuna mayawo, ee, anobene Lidiya nomulwanisha mata.”

Esekelo 28:23

Ndaakutuma mwaalu muli ndiwe akulengesha bulowa kukunka mumikwakwa yako. Bantu bako balaakucaikwa muli ndiwe. Inkondo ilaakukupolela kuswa kumbasu shoonse. Lyalo bantu ndyeshi bakeshibe ayi nebo ndi Mwaami Lesa.’ ”