Esekelo 30:2 - Baibo Busansulushi Bwa Libuku Ili

² “Webo omuntu, laluka ubalwiite kwaamba ayi nebo neMwaami Lesa Shinkusu shoonse ndaamba ayi oolobeshe maswi akwaamba ayi, ‘Maawe pabushiku ubo!

Esekelo 30:2 Marejeleo ya Msalaba

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 16:7

Paceebo ceeco boonse bene Moabu batoolila, ee, batoolila cishi cabo. Ndushinisho abalile akulyuungumika ceebo ca shakulya shibotu sha kuKili Aleseti.

Isaya 23:1

Aya ngamaswi aamba pacishi ca Taya. Amoolome akulila cabuumba nobeshikweensha maato a kuTashishi palweenge! Ndabala ya kucito cine mishaanu ya Taya yanyonyoolwa. Taaku ŋanda yacaala muli njiyo, cito coonse canyonyoolwa. Aya makani bakaanyumfwa pakuboola amaato kuswa kuSaipulasi.

Isaya 23:6

Amoolome akulila cabuumba mwebo nobantu ba pansumbu. Amusubukile kuTashishi muloboke.

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 30:1

Mpeeke Mwaami Lesa wakaŋambila ayi,

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Jowelo 1:5

Amubuke mulile mwebo nobacakolwa! Amulile mwebo nobeshikunwa waini mukwiinga minyansa yakupangisha waini upya, yanyonyoolwa cakumaninina.

Sefaniya 1:11

Ono mwaakunyumfwabo boobo mwebo nomwikala kunkunamo ya ndabala mukaliile ceebo beshimakwebo boonse balaakuloba.

Sekaliya 11:2

Amulile cakooloma mwebo noshisamu sha mapaini ceebo shisamu sha sida shamana, ee, shisamu shilemekwa shanyonyoolwa! Ncakwiila mulile cakooloma mwebo nomibanga ya kuBashani, mulile ceebo shisaka shatemwa!

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

Ciyubululo 18:10

Balaakwiimikana palaale kuloonda kwaamba ayi inga baakupekwa mulandu abalo. Balaakwaamba ayi, “Mapensho, mapensho kundabala inene ya Babiloni! Ncakwiila muawala yomwibo iyi wapekwa mulandu!”