Esekelo 3:23 - Baibo Busansulushi Bwa Libuku Ili

²³ Aboobo ndakanyamuka akuya kucinyika ico. Ono kulya ndakabona bulemu bwa Mwaami Lesa bweenka mbuli mbondakabona kuMulonga wa Keba. Ndindakabubona, ndakafukama cakushisha ciwa panshi.

Esekelo 3:23 Marejeleo ya Msalaba

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Milimo ya Batumwi 7:55

Sombi Sitifini ndyaakesushikwa Mushimu Usalashi, wakalanga kwiculu akubona bulemu bwakwe Lesa alimwi aJesu kaaimfwi kululyo lwakwe Lesa.

Ciyubululo 5:14

Mpeeke shilengwa shuumi shili shone shakakumbula ayi, “Ameni!” Lyalo bamaloba abo bakafukama akulambila.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Esekelo 10:18

Lyalo mumuni utowa uyo utondesha bulemu bwa Mwaami Lesa wakashiya mwinjililo wa Ŋanda yakwe Lesa akwiimikana peculu lya bakelebu.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Shakubelenga 16:42

Mpeeke ndibakabungana kabatongookela Mose aAloni, bakacebukila kuTente ya Cipangano akubona likumbi lyafwekeleshaawo alimwi abulemu bwa Mwaami Lesa bwakaboneka.

Shakubelenga 16:19

Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene.

Esekelo 8:4

Ono kunembo lyangu ndakabona mumuni utowa uyo utondesha bulemu bwakwe Lesa wa bene Isilaeli bweenka mbondakoobona kufwaafwi aMulonga wa Keba.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Esekelo 44:4

Kuswawaawo muntu uyo wakanyinsha kumwinjililo wa kumatwa kuya kunembo lya Ŋanda yakwe Lesa. Mpeeke ndakalangilisha akubona Ŋanda ya Mwaami Lesa yesula mumuni utowa utondesha bulemu bwa Mwaami Lesa. Aboobo ndakaliwaala panshi akushishaawo ciwa.

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”