Esekelo 3:18 - Baibo Busansulushi Bwa Libuku Ili

¹⁸ Na ndaambila mucita shibi ayi, ‘Ndushinisho webo ulaakufwa,’ ono webo wabula kumucenjesha nabi kumwaambila kwaamba ayi aleke nshila shakwe shibiibi ayi atafwi, muntu uyo ulaakufwa ceebo ca shibiibi shakwe isho. Sombi awebo ulaakupekwa mulandu pabulowa bakwe.

Esekelo 3:18 Marejeleo ya Msalaba

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Matalikilo 42:22

Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

2 Samwelo 4:11

Ino citokweela kuli pali ndimwe nobakapondobo, nomwakaya mukucaya muntu muŋanda yakwe, pabulo bwakwe alimwi utacite mulandu? Ee, ndyeelete kuboosha cishole cakucaya Ishibosheti, kwiinda mukumulobya amwebo ayi mutakabonekiwo tubili pacishi ca panshi!”

2 Baami 1:4

Ono Mwaami Lesa waamba ayi, ‘Omwaami Aasiya, teshi ukabukeewo kuswa pabulo bwako apo, ncakwiila ulaakufwa!’ ” Elija wakacita bweenka bwakaamba Mwaami Lesa.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Esekelo 18:13

Ulakweletesha maali ayi acaninewo mpindu. Sa muntu wa mushobo uyo inga waba abuumi? Sobwe teshi akabeewo abuumi! Ndushinisho ulaakufwa ceebo wakacita shintu ishi shoonse shilensha bunya. Lufu lwakwe ndwakuliletela mwiine.

Esekelo 18:20

Muntu uyo ubisha ngweshi akafwe. Mwaana teshi akapengele shibiibi sha mushali wakwe alakwe mushali teshi akapengele shibiibi sha mwanaakwe. Muntu ululeme ulaakulambulwa ceebo ca bululami bwakwe mwiine alakwe mucita shibi ulaakupengela bubi ubo mbwaacita mwiine.

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Esekelo 3:20

“Ono na muntu ululeme waswa mubululami bwakwe akutalika kucita shintu shibiibi, lyalo anebo ndamuletela mfumpu, ncakwiila ulaakufwa. Muntu uyo ulaakufwa ceebo ca shibiibi shakwe mukwiinga webo tookwe kumucenjesha. Shiluleme nshaakacita teshi shikayeeyekweewo tubili, Sombi awebo ulaakupekwa mulandu pabulowa bakwe.

Esekelo 33:12

“Paceebo ceeco, webo omuntu, lwiita bene mishaanu ayi, ‘Bululami bwa muntu teshi bukamupulushe na wabisha. Shibiibi sha muntu teshi shikamucaishe na wasanduka kuswa kuli nshisho. Alakwe muntu walinga kucita shiluleme, na wabisha teshi akasuminishikwe kuba abuumi ceebo ca bululami bwakwe bwa kalekale.’

Esekelo 33:6

Ono na shikulindilila wabona balwani kabesa, sombi wabula kulisha lupeenga lwakucenjesha bantu, mpeeke balwani besa akucayaawo womwi, muntu uyo ulaakufwita shibiibi shakwe. Sombi anebo ndaakupa mulandu shikulindilila pabulowa bwakwe.’

Esekelo 34:10

Nebo neMwaami Lesa Shinkusu shoonse ndaamba ayi, ‘Nobeembeshi, ndaakumulwana akumupa mulandu palitanga lyangu. Ndaakumukasha kulama litanga langu kwaamba ayi mwebo mutakaliwo tubili mbelele sha ndilyo. Ndaakushifuna kumilomo yanu. Ncakwiila teshi mukashilyewo tubili.

Shakubelenga 26:65

mukwiinga Mwaami Lesa wakaamba ayi boonse balaakufwita muluyanga. Aboobo boonse bakaloba, kukushakobo Kalebu mwanaakwe Jefune alimwi aJoshuwa mwanaakwe Nani.

Luka 13:3

Sobwe! Ono ntoomulwiita ayi na mubule kusanduka kuswa kushibiibi shanu, amwebo mulaakufwa.

Luka 13:5

Sobwe! Sombi na mubule kusanduka kuswa kushibiibi shanu, amwebo noonse mulaakufwa.”

Joni 8:21

Lyalo Jesu wakaboshaawo kwaamba ayi, “Nebo ntooya, mulaakunangoola, sombi mulaakufwabo mushibiibi shanu. Uko nkoontooya, mwebo inga tamushikiiko.”

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

1 Timoti 5:22

Utanoofwambaana kubika maansa pamutwi wa muntu kumubenga kumulimo wakwe Lesa ceebo inga wacanika ayi utoosuminisha shibiibi sha bamwi bantu. Kolilama cakubula kampenda.

1 Samwelo 8:9

Anu aboobo banyumfwile, sombi ubacenjeshe cakushinisha akubasansulwita bamaami baabo mbweshi bakanoobacita.”