Esekelo 3:12 - Baibo Busansulushi Bwa Libuku Ili

¹² Mpomunyaawo Mushimu wakwe Lesa wakanyamuna. Lyalo ndakanyumfwa liswi kwisule lyangu ilyo lyakalinga kunyumfwika anga ngumuuwo utoompuupila. Liswi ilyo lyakaamba ayi, “Abulumbaishikwe bulemu bwa Mwaami Lesa mumusena ngweekalaamo!”

Esekelo 3:12 Marejeleo ya Msalaba

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

Kulumbaisha 148:2

Amumulumbaishe noonse nobaanjelo bakwe. Amumulumbaishe nomakoto a bashilumamba bakwe boonse.

Kulumbaisha 26:8

NoBaami baLesa, Ŋanda njemukalaamo ndiisuni, nkokwaamba ayi musena uyo mucanika bulemu bwanu.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Esekelo 11:1

Mpeeke Mushimu wakwe Lesa wakanyamuna akuntola kumwinjililo wa Ŋanda ya Mwaami Lesa wakalinga kulangite kwicwe. Ono kumulyango wa mwinjililo kwakalinga basankwa bali 25. Pakati kabo ndakabonawo Jaasaniya mwanaakwe Asuli alimwi aPelatiya mwanaakwe Benaya abo bakalinga bamatanjilili ba bantu.

Esekelo 2:2

Kaacaamba, Mushimu wakwe Lesa wakenjila muli ndime akunengesha kwiimikana. Lyalo ndakamunyumfwa kaabandika kuli ndime.

Esekelo 3:11

Koya bweenka bulya kubene mishaanu bali mubusha ubalwiitebo maswi angu nebo neMwaami Lesa Shinkusu shoonse, nabi bakanyumfwe nabi batakanyumfwi.”

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Esekelo 43:4

Mumuni utowa uyo utondesha bulemu bwa Mwaami Lesa wakenjila muŊanda yakwe Lesa kwiinda pamwinjililo ulangite kwicwe.

Esekelo 43:5

Mpomunyaawo Mushimu wa Mwaami Lesa wakanyamuna akuntola mulubansa lwa mukati lwa Ŋanda yakwe. Mpeeke bulemu ubo bwa Mwaami Lesa bwakesula muŊanda yakwe.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Milimo ya Batumwi 2:2

Mpomunyaawo bakanyumfwa coongo cakuba anga ncipuupu kuswa kwiculu akususha ŋanda yoonse njebakalingaamo.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Ciyubululo 1:15

Shimpanta shakwe shakalinga kubeka anga ngubulonse waswabo mukufulwa. Alyalo liswi lyakwe lyakalinga kunyumfwika anga nkuwoota kwa maanshi.

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!