Esekelo 28:2 - Baibo Busansulushi Bwa Libuku Ili

² “Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 28:2 Marejeleo ya Msalaba

Esekelo 28:9

Sa ulaakunoocaamba ayi uli lesa pameenso abeshikukucaya? Ulaakunooli muntubo, kuteshi lesa mumaansa a baabo beshi bakakucaaye.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Kulumbaisha 9:20

NoBaami baLesa amubalengeshe kuloonda akututuma. Amubalengeshe kwishiba ayi mbantubo mbuli bamwi boonse.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.

Abakuku 2:4

Maswi ngaaya: ‘Uyo eshi akalisumpule ulaakucaikwa. Sombi uyo ululamikwa ceebo cakushoma, ulaakuba abuumi.’ ”

Esekelo 31:10

“Paceebo ceeco nebo neMwaami Lesa Shinkusu shoonse ndaamba ayi, ‘Ono ceebo cakwaamba ayi cakalaampa cakuyanda kushika amumakumbi alimwi akulisumpula kwa ncico ceebo ca kulaampa,

Esekelo 28:17

Wakaba shikulisumpula ceebo ca bubotu bwako alimwi wakalengesha busongo kumana ncito ceebo ca bulemu bwako. Aboobo ndakakusowela pacishi ca panshi akukulengesha kuba cakucenjesheshaako bamaami bamwi.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Dutolonomi 8:14

amushinishe kwaamba ayi teshi mukatalike kulisumpula akuluba Mwaami Lesa, Lesa wanu, wakamufuna kuswa muIjipiti umo momwakalinga basha.

Matalikilo 3:5

Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.”

Ciyubululo 17:3

Mpomunyaawo Mushimu Usalashi wakantanjilila, alakwe munjelo wakantola kuluyanga. Nkomunya uko ndakabona mwanakashi kaashiite pamunyama usalalabo pyu. Pamubili wa munyama uyu woonse pakalinga kulembetwe meena a mucobwe kuli Lesa. Wakalinga kucite mitwi yosanwe ayobilo alimwi ameeca ali likumi.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Isaya 23:8

Anu ngani wakapinga kucita cintu ca mushobo uyu kundabala ya Taya? Ngani wakapinga boobo kundabala ya bamaami yakalinga kucite beshimakwebo, banaabaami, bapukite cishi coonse?

Isaya 47:8

“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.

Esekelo 26:17

Kuswawaawo balaakulila buumba pali ndimwe akwaamba ayi, Ino wanyonyooka buyani ondabala icite mpuwo! Bantu bako bakalinga kweendela mumaato palweenge! Ncakwiila bantu bako mbobakalinga kulela lweenge, alimwi bakalengesha baabo bakalinga muloombe lwa lweenge kuloonda abuumbi.

Esekelo 28:1

Mpeeke Mwaami Lesa wakaŋambila ayi,

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Sekaliya 9:2

Mwaami Lesa ngoolanga apacishi ca Amati ico cibaana manyinsa acishi ca Adilaki. Meenso akwe alashika akubene Taya alimwi abene Sidoni nabi balicibwene kucita shintu shiinji.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 29:9

Cishi ca Ijipiti cilaakunyonyooka akuba luyanga. Lyalo ndyeshi bakeshibe ayi nebo ndi Mwaami Lesa. “ ‘Mukwiinga wakalinga kwaamba ayi Mulonga wa Nailo ngwaako alimwi ayi ndiwe wakoopanga omwiine,

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 11:37

Mwaami uyo ulaakusuula balesa ba bamashali bakwe bakulukulu akusuula lesa uyo banakashi ngobasunishi. Ulaakucita boobo ceebo ulaakulipa bulemu kwiinda balesa boonse.

Luka 14:9

Aboobo uyo wakamwiita noonse nobilo ulaakwisa akukwaambila ayi, ‘Amupe baaba cuuna ico.’ Ono lyalo ulaakunyumfwa nsoni pakunyamuka kuya mukwikala pacuuna citacite bulemu.