Esekelo 27:5 - Baibo Busansulushi Bwa Libuku Ili

⁵ Mapulanga ako oonse akabeswa kushisamu sha mapaini shiswa kuKalundu ka Emoni. Cisamu cakwiimikako nsalu yakweensheshako bwaato cakabeswa kucisamu ca sida kuswa kuLebanoni.

Esekelo 27:5 Marejeleo ya Msalaba

1 Baami 5:1

Mwaami Ilamu wa kuTaya wakalinga mubye Defedi alimwi ndyaakanyumfwa ayi Solomoni ngowapyana bwaami bwakwe Defedi ishi, wakatuma beshikumwiimikanina kuli nguwe.

1 Baami 5:6

Ono amutume bantu banu kuLebanoni bakantimbwiteeko shisamu sha sida. Bantu bangu balaakunoosebensa abaanu, alimwi ndaakulipila bantu banu shoonse nsheshi muyeeye. Mbuli mbomwishi, bantu bangu tabacishi kutimbula shisamu mbuli bantu banu bene Sidoni.”

1 Makani 5:23

Musa wa mukowa wa bene Manase wakaya mukwikala mucishi ca Bashani kuya mukushika kuBaali Emoni kumatwa, kuSeni alimwi akuKalundu ka Emoni. Bantu abo bakafula abuumbi.

2 Makani 2:7

“Ono amuntumine muntu ucishi kusebensesha golodi, silifa, bulonse alimwi anshimbi. Ulyeelete kunoocishi kutunga shisani shifubelafubela, shisalala pyu alimwi ashiboneka anga ndiculu kubikaawo alushibo lwa kutala. Lakwe uyo ulaakunoosebensa abantu bene Juda alimwi abene Jelusalemu bacishi milimo iyo abo bata baDefedi mbobakasala.

Kulumbaisha 104:16

Shisamu sha Mwaami Lesa shilatililwa cakushikaawo nkokwaamba ayi shisamu sha sida sha kuLebanoni isho nshaakashanga.

Kulumbaisha 29:5

Liswi lya Mwaami Lesa lilapasoola shisamu sha sida, Mwaami Lesa ulaponsoola shisamu sha sida sha kuLebanoni.

Kulumbaisha 92:12

Ono baluleme balaswitilila bweenka tupukupuku mbotucata shisepo shiinji, balakula cakoololoka anga nshisamu sha sida sha kuLebanoni.

Lwiimbo lwakwe Solomoni 4:8

Onabwiinga wangu, katiya tusweeko kuLebanoni. Ee, katiya tusweeko kuLebanoni. Seluka kuswa paKalundu ka Amana, Seluka kuswa peculu lya Kalundu ka Seniya, seluka kuswa pakalundu ka Emoni, apo pali nkalamu abashiluwe.

Isaya 14:8

Ashalo shisamu sha mapaini asha sida sha kuLebanoni shitoosekelela ceebo ca kuwa kwako. Shitokwaamba ayi, ‘Ono bulya mbowabooshekwa panshi, taaku beshikutema beshi bakese mukututema.’

Esekelo 27:4

Bweendeleshi bwako bwakalinga palweenge, abalo bayaki bako bakakuboteshabo anga mbwaato bunene bubotu.

Dutolonomi 3:9

Kalundu ka Emoni kaleetwa ayi Silioni kubene Sidoni alimwi ayi Seneya kubene Amoli.