Esekelo 27:12 - Baibo Busansulushi Bwa Libuku Ili

¹² “ ‘Bene Tashishi bakalinga kucita makwebo andiwe ceebo ca buboni bwako buunji. Bakalinga kuleta silifa, nshimbi, ceela alimwi amuntomfwe mukushintana amakwebo ako.

Esekelo 27:12 Marejeleo ya Msalaba

Esekelo 38:13

Mpeeke bantu ba kuSheba, Dedani abeshimakwebo ba kuTashishi amandabala a ncico oonse balaakukwiipusha ayi, ‘Sa wesa mukusaala? Sa wabunganya likoto lyako lya bashilumamba ayi bese basaale silifa, golodi, shifubwa alimwi abuboni bumwi? Sa mutooyanda kutola shintu shoonse isho?’ ”

Isaya 23:10

Amumwaike mucishi canu bweenka busefuka mulonga wa Nailo mwebo nobantu ba kuTashishi. Bulya taaku cintu citoomushinkilisha.

1 Baami 10:22

Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.

Matalikilo 10:4

Bamulunyungu lwakwe Jafani bakalinga Elisha, Sipeeni, Saipulasi, aLodisi.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Esekelo 27:18

“ ‘Bene Damasikasi bakalinga kucita makwebo andiwe ceebo ca shintu shiinji nshewakalinga kupanga abuboni bwako buunji. Bakalinga kuleta waini kuswa kuEloboni abooya bwa mbelele bwa kuSaya mukushintana amakwebo ako.

Esekelo 27:16

“ ‘Bene Silya bakalinga kucita makwebo andiwe ceebo ca shintu shiinji nshewakalinga kupanga. Bakalinga kuleta mabwe amakwebo eetwa ayi emalodi, shisani shifubelafubela, shisani shakatunga shakubotesha, nsalu shiteshimite, kolali amabwe amakwebo eetwa ayi lubi mukushintana amakwebo ako.

Jelemiya 10:9

Shibumbwabumbwa shabo balashinanika silifa uswa kuTashishi agolodi uswa kuUfasi. Camana kupangwa kubaabo bacibwene kubesa akufula, balacifwalika shisani shiboneka anga ndiculu alimwi ashifubelafubela. Shisani isho shoonse shilatungwa kubacibwene kutunga.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 23:14

Amoolome akulila cabuumba mwebo nobeshikweensha maato a kuTashishi kulweenge ceebo ndabala njemwakalinga kucinkitemo manungo yanyonyoolwa.

Isaya 23:6

Amoolome akulila cabuumba mwebo nobantu ba pansumbu. Amusubukile kuTashishi muloboke.

Isaya 2:16

Ulaakunyonyoola maato amakwebo akuTashishi ee, maato abotu oonse.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

1 Baami 22:48

Mwaami Jeoshafati wakapanga maato anene akalinga kweenda palweenge ayi aye kucishi ca Ofi kuya mukuleta golodi. Sombi maato ayo taakwe kushika kuOfi mukwiinga akanyonyooka kuEsiyoni Geba.

Ciyubululo 18:12

Taaku eshi akoole golodi yabo, silifa, mabwe amakwebo, bulungu, shisani shiteshimite, nsalu shifubelafubela, shisani shimwi shipusenepusene, shintu shakubesa shipusenepusene, shintu shipangwa kumeeca a nsofu, kushisamu shamakwebo, kumukuba, kunshimbi alimwi akumabwe akuyakisha.

Esekelo 27:11

Bashilumamba ba kuAfati akuEleki mbobakalinga kulindilila lubumbu lwako kumbasu shoonse, bashilumamba ba kuGamadi mbobakalinga mumaanda ako alaamfu. Bantu abo bakalinga kwaanjika mayawo abo kushingulusha lubumbu lwako. Ncakwiila bashilumamba abo bakakulengesha kubota abuumbi.

Esekelo 27:13

“ ‘Wakalinga kucita makwebo abene Gilisi, Tubali abene Mesheki abo bakalinga kuleta basha ashintu shakapangwa kubulonse mukushintana amakwebo ako.

Esekelo 27:33

Makwebo ako ndyaakalinga kuya palweenge, wakalengesha mishobo yoonse kuba ashiyandika. Wakabilisha bamaami ba mucishi ca panshi kububoni bwa makwebo ako.

Esekelo 28:5

Ceebo ca lushibo lwako lunene mumakwebo, wakafusha buboni bwako. Lyalo wakatalika kulisumpula ceebo ca buboni ubo.’

Esekelo 28:16

Kwiinda mumakwebo ako ngowakalinga kucita mucishi coonse, wakaba shilunkutwe alimwi mucita shibi. Paceebo ceeco ndakakutanda kuswa kuKalundu kangu kasalalite. Ncakwiila kelebu wakukutabilila wakakutanda kuswa pakati ka mabwe abekabeka.

2 Makani 9:21

Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.