Esekelo 26:15 - Baibo Busansulushi Bwa Libuku Ili

¹⁵ “Nebo neMwaami Lesa Shinkusu shoonse ndaambila Taya ayi, ‘Sa bantu bekala kuloombe lwa lweenge teshi bakatutumeewo kumushinga ngweshi ukawiteemo, abo beshi bakacishikwe ndyeshi bakatongele abantu bamwi baakucaikwa muli ndiwe?

Esekelo 26:15 Marejeleo ya Msalaba

Esekelo 27:35

Boonse bekala muloombe lwa lweenge bakankamana pashakucitikila, Bamaami babo batootutuma mukuloonda, shiwa shababo bumbi bumbi ceebo cakuloonda.

Jelemiya 49:21

Cishi coonse ca panshi cilaakutenkaana ceebo ca coongo ca mishinga yabo. Kulila kwabo kulaakunyumfwika akuLweenge Lusalala.

Esekelo 31:16

Ndaakulengesha mishobo ya bantu kututuma kumushinga wa ncico bushiku ndaakutuma cisamu ico kumusena wa bafu. Lyalo shisamu shoonse sha muEdeni, shisamu shiindaawo kubota sha muLebanoni, nkokwaamba ayi shisamu shoonse shakalinga kutililwa kabotu isho shakaya kumusena wa bafu shilaakusangalala ceebo ca kuwa kwa ncico.

Esekelo 26:18

Bulya bantu ba muloombe lwa lweenge batutuma, ee, batutuma pabushiku bwakuwa kwako. Abalo bantu ba pansumbu mulweenge bakankamana pakunyonyooka kwa mushobo uyo.’

Esekelo 32:10

Ndaakulengesha bantu baanji kukankamana kuceeco nceshi nkacite. Bamaami babo balaakututuma kuboowa ceebo cako, ndaakushingulusha mupeeni kunembo lyabo. Pabushiku bwa kuwa kwako, womwi awomwi ulaakunootutumabo ciindi aciindi kuyeyeela buumi bwakwe.’ ”

Esekelo 27:28

Koolobesha kwa beshikweensha bwaato abo bakalinga kuya bupila, kwakanyumfwika kuloombe lwa lweenge.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 41:5

“Bantu bamushishi sha muloombe lwa lweenge bakabona nkusu shangu akuloonda. Ndushinisho ndibakashibona bakatutuma. Aboobo boonse babungana akwisa pafwaafwi.

Esekelo 26:10

Maaki abo alaakunooli aanji cakwaamba ayi alaakushiya akutukulwita lusuko. Lubumbu lwako lulaakutenkaana kucongo ca maaki ankondo, shikoci sha shintu asha nkondo baakunokwiinda pamwinjililo bweenka bantu mbobenjila mundabala icite lubumbu lupwaikite.

Esekelo 26:21

Ndaakukulengesha kuba citondesho ciloondesha alimwi teshi ukabewo tubili. Bantu balaakukulangoola, sombi teshi bakakuboneewo. Nebo neMwaami Lesa Shinkusu shoonse ndaamba.’ ”