Esekelo 24:3 - Baibo Busansulushi Bwa Libuku Ili

³ Lwiita mushobo uyu waashu cikoshanyo. Ubalwiite ayi nebo neMwaami Lesa Shinkusu shoonse ndaamba ayi, ‘Amubike mupika paciiko akubika maanshi muli nguwo.

Esekelo 24:3 Marejeleo ya Msalaba

2 Baami 4:38

Ono kunembo mucishi coonse ndimwakaba nsala, Elisha wakaboolela kuGilugala. Mpeeke ndyaakalinga kwiisha balaluki, wakaambila musebenshi wakwe ayi abike nongo inene pamulilo akuteleka musushi wa nyama kwaamba ayi balye.

Kulumbaisha 78:2

Ndaakumulwiita shikoshanyo. Ndaakumusansulwita shintu shishisitwe shikulukulu,

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Jelemiya 1:13

Lyalo Mwaami Lesa wakanjipusha lwabili ayi, “Nciinshi ncoobweene?” Anebo ndakakumbula ayi, “Ndabona nongo itoobila yasendama kuswa kulubasu lwa kumatwa.”

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Esekelo 11:11

Ono ndabala ino teshi ikamutabilileewo bweenka bucita nongo kunyama ili muli njiyo. Sombi ndaakumupa mulandu mweenka mucishi canu ca Isilaeli.

Esekelo 11:3

Balo balaamba ayi, ‘Sa te onoonobo nciindi cakuyaka maanda? Ndabala ino ili anga ninongo yakutelekaamo, ono swebo tuli nyama! Nakubi boobo ilatutabilila kuswa kumulilo.’

Esekelo 11:7

“Paceebo ceeco, Mwaami Lesa waamba ayi, ‘Mituntu ya bantu iyo njemwakasoweelaamo yaba njenyama, ayalo ndabala ino njenongo, sombi mwebo ndaakumutandaamo.

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Esekelo 17:12

“Ipusha mushobo waashu uyo ayi, ‘Sa tamwishi busansulushi bwa shintu ishi?’ Ubalwiite ayi, ‘Mwaami wa bene Babiloni wakaya kuJelusalemu akubwesa mwaami wa mumo alimwi abacinenenene bakwe wabatola kuBabiloni.

Esekelo 17:2

“Webo omuntu, lwiita bene Isilaeli cikoshanyo

Esekelo 2:2

Kaacaamba, Mushimu wakwe Lesa wakenjila muli ndime akunengesha kwiimikana. Lyalo ndakamunyumfwa kaabandika kuli ndime.

Esekelo 2:3

Wakaamba ayi, “Webo omuntu, ntookutuma kubene Isilaeli, mushobo waashu uyo wakangashukila. Balo alimwi abamashali babo bakulukulu bakangashukila kushikila asunu.

Esekelo 2:5

Nabi bakanyumfwe nabi batakanyumfwi ceebo mbaashu, balaakwishiba ayi palinga mulaluki pakati kabo.

Esekelo 2:6

“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu.

Esekelo 2:8

“Sombi webo omuntu, kutika nsheshi nkulwiite. Utaashuki mbuli bwakaashuka bantu aba. Cenama ulye nceshi nkupe.”

Esekelo 20:49

Mpomunyaawo ndakaamba ayi, “Sobwe noBaami baLesa Beshinkusu shoonse! Sa te bantu batootongooka kale ayi lyoonse ndaambabo mushikoshanyo?”

Esekelo 24:6

Mwaami Lesa Shinkusu shoonse waamba ayi, “Mapensho kundabala itila bulowa, ndabala ili anga ngumupika ucite ndalabwa isho sheshi shikabule kuswa! Cipumputa comwi acomwi cilakushikwaamo kwakubula aubika maano kumupika uyo.

Esekelo 3:9

Ncakwiila ndaakukulengesha kuyumabo anga ndibwe alimwi akubula boowa. Utaloondi nshebaamba nabi kuloonda mbabo nakubi kwaamba ayi mbaashu.”

Mika 2:4

Pabushiku ubo bantu balaakumuseka. Balaakumupensha alwiimbo ulu lwabuumba lwakwaamba ayi, ‘Twanyonyoolwa cakumaninina. Mwaami Lesa watunyaya cishi ncaakatupa akucipa kubaabo bakatutola busha.’ ”

Maako 12:12

Beendeleshi ba baJuda bakeshiba kwaamba ayi Jesu wakalinga kwaamba mbabo mucikoshanyo ncaakabalwiita. Aboobo bakalinga kusuni kwaamba ayi bamucaate. Nakubi boobo bakaloonda likoto lya bantu lyakalingaawo. Mpeeke bakamushiyabo, baswaawo.

Luka 8:10

Jesu wakakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi balaambilwa mushikoshanyo kwaamba ayi, ‘Balangilishishe, sombi babule kubona. Bakutikishe, sombi babule kunyumfwa.’

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!