Esekelo 24:21 - Baibo Busansulushi Bwa Libuku Ili

²¹ ‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Esekelo 24:21 Marejeleo ya Msalaba

Esekelo 23:47

Likoto ilyo lilaakubafusa mabwe akubacaya amipeeni. Lilaakucaya bana babo basankwa abanakashi akubatentela maandaabo.

Esekelo 23:25

Ndaakukulwana abukali bwangu buyoosha abalo balaakumutakoosha mubukali bwabo. Balaakumutimbula mashono amatwi anu akucaya baabo beshi bakacaleewo amupeeni. Balaakutola bana banu basankwa abanakashi akutenta baabo beshi bakacaaleewo mumulilo.

Jelemiya 7:14

Paceebo ceeco isho nshendakacita kuShilo, bulya ntooshicita kuŊanda yangu ino iyo njemucinkitemo manungo. Nkokwaamba ayi ntooshicita kumusena ngondakapa ndimwe alimwi abamashali banu bakulukulu.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Esekelo 24:16

“Webo omuntu, ntooyanda kukunyaya muntu uyo ngoosunishi. Nakubi boobo, utatongooki, kulila buumpute nabibo kuloshawo minsonshi.

Jelemiya 6:11

Sombi nebo ndiswitebo bukali bwanu noBaami baLesa cakwaamba ayi nshikoonshi akuliciba, sobwe.” Lyalo Mwaami Lesa wakaŋambila ayi, “Koya ubupoomwete pabanike bali mumikwakwa apabacikula bwangu babungene pomwi. Musankwa amukaakwe pantu pomwi abacembele bacite myaaka iinji boonse balaakutolwa kubukali ubo.

Kulumbaisha 84:1

NoBaami baLesa Beshinkusu shoonse Ŋanda yanu njibotu abuumbi.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Esekelo 9:7

Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Jelemiya 9:21

Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Kulumbaisha 132:8

Amunyamuke noBaami baLesa, muboolele kuŊanda yanu. Muboolele aLibokoshi lya Cipangano ilyo liimikanina nkusu shanu.

Kulumbaisha 105:4

Amulangilishe kuMwaami Lesa akusenga nkusu shakwe. Amulambile Mwaami Lesa cakutacilekaawo.

Kulumbaisha 96:6

Bulemu abwaami shilimushingulukite, nkusu akubota shili muŊanda yakwe.

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Kulumbaisha 74:7

Bakanyonyoola Ŋanda yanu akwiitenta. Bakabisha musena wanu usalalite umo momulambililwa.

Bene Lefi 26:19

Ndaakumana cimpamya canu cakulisumpula, teshi kukabewo mfula. Aboobo cishi canu cilaakuboolabo nta anga nceela ca nshimbi.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.

Esekelo 24:20

Lyalo ndakabakumbula ayi, “Mwaami Lesa wakaŋambila ayi,

Esekelo 24:22

Lyalo amwebo mulaakucita bweenka bulya mbowacita. Teshi mukafwekewo pamilomo yanu nabi kulya shakulya shilikwa pamalilo.

Esekelo 24:25

Mpeeke Mwaami Lesa wakaamba ayi, “Ono webo omuntu, ndaakubanyaya Ŋanda yangu, ee, ciyubilo ncebalisumpwitaawo ico cibapa bulemu, ncebasangalalilaamo alimwi cisangalasha meenso abo. Ndaakutola busha bana babo basankwa abanakashi.

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Malaki 2:12

Anu ncibotubo kwaamba ayi Mwaami Lesa atanoolanga lyobilo bantu bacita boobo ayi mbene Isilaeli. Mutabasuminishi tubili kuleta milambu kuMwaami Lesa Shinkusu shoonse.

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

Kulumbaisha 84:3

Tuntiinga atwalo twapanga shinswa sha ntuto. Atwalo tumimbya twaliyakila mwakoona umo mwakukonkweta twaana. Twayakila kufwaafwi ashipaililo shanu, noBaami baLesa beShinkusu shoonse, ndimwe Baami bangu, baLesa bangu.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.