Esekelo 23:5 - Baibo Busansulushi Bwa Libuku Ili

⁵ “Ono Oola lakwe wakalinga kucita bufuule kaacili mukaangu mukukumbwa bene Asilya basunikwi bakwe.

Esekelo 23:5 Marejeleo ya Msalaba

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

1 Baami 14:9

Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

1 Baami 15:26

Alakwe wakabishisha Mwaami Lesa bweenka bwaakacita baishi akutanjilila bene Isilaeli mucibiibi.

1 Baami 15:30

Ici cakacitika mukwiinga Jeloboamu wakasonkomona bukali bwa Mwaami Lesa, Lesa wa bene Isilaeli kwiinda mushibiibi isho nshaakacita akulengesha bene Isilaeli bamwi boonse kushicita.

1 Baami 21:26

Aabu wakacita shibiibi shilensha nsoni pakunoolambila shibumbwabumbwa mbuli mbobakalinga kucita bene Amoli abo mwaami Lesa mbwaakatanda mucishi, bene Isilaeli ndibakalingabo kwinjilaamo.

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

2 Baami 16:7

Aasi wakatuma beshinkombe kuli Tigilati Pilesa mwaami wa bene Asilya amakani akwaamba ayi, “Nebo ndi musebenshi wanu ushomeka. Kamwisa mumfuneeko kumwaami wa bene Silya awa bene Isilaeli abo batoondwana.”

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

Jelemiya 50:38

Cilanga acibe kumilonga ya mumo! Ayalo itooyuminwa! Cilaakucitika ceebo ncishi ca shibumbwabumbwa shiyoosha. Shibumbwabumbwa isho shakalengesha bantu kuba baluya.

Esekelo 16:28

“Wakalinga kucita bufuule abene Asilya ceebo cakutakuta kwako, nakubi boobo akwalo uko tookwe kukutaawo, sobwe.

Esekelo 16:37

Paceebo ceeco, ntoobunganya mbowakalinga kweendaabo boonse abo mbowakalinga kusangalalilaamo, mbowakalinga kusuni abaabo mbowakalinga kupatite. Ndaakubabunganya ayi bese bakulwaane kuswa kumisena yoonse ikushingulukite akwisa mukukufuula kunembo lyabo ayi bakubonene.

Esekelo 23:12

Alakwe wakalinga kukumbwa bene Asilya. Nkokwaamba ayi beendeleshi, bamatanjilili ba bashilumamba, bashilumamba bakalinga kufwala shakufwala shiboneka anga ndiculu alimwi abeshikulwanina pamaaki. Basankwa boonse abo bakalinga bacikula bwangu babotu.

Esekelo 23:16

Ndyaakababona wakabakumbwa akutumako beshinkombe kuli mbabo mucishi ca Babiloni.

Esekelo 23:20

Kwalo uko nkwaakalinga kucite lunkumbwa lwa pabasunikwi bakwe abo bakalinga kucite lunkumbwa lunene anga nimbongolo nabi anga ndiaki lisankwa.

Esekelo 23:4

Munenebantu liina lyakwe wakalinga nguOola, mwanike wakwe wakalinga Ooliba. Ndakabeeba boonse akunshalila baana basankwa abanakashi. Oola wakalinga nguSamaliya, Ooliba wakalinga nguJelusalemu.

Esekelo 23:7

Wakalinga ngumufuule wa bacinenenene boonse ba bene Asilya. Wakalibisha mukulambila shibumbwabumbwa sha boonse abo mbwaakalinga kukumbwa.

Esekelo 23:9

“Paceebo ceeco, anebo ndakamwaaba mumaansa a basunikwi bakwe bene Asilya abo mbwaakalinga kunookumbwa.

Osiya 10:6

Cilaakutolwa kucishi ca Asilya ayi cikabe cipo kumwaami munene wa cishi ico. Bene Efuleemu balaakusebaana bene Isilaeli balaakunyumfwa nsoni ceebo cakulambila cibumbwabumbwa ico.

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”

Osiya 5:13

“Bene Isilaeli ndibakabona mbobakalinga kucisitwe, abalo bene Juda ndibakabona shilonda shabo, bene Isilaeli bakaya mukusenga lucafwo kumwaami wa bene Asilya. Sombi taakalinga kukonsha kubashilika nabi kushilika shilonda shabo.