Esekelo 23:3 - Baibo Busansulushi Bwa Libuku Ili

³ Banakashi abo bakatalika kucita bufuule muIjipiti kabacilibo bamyooye. Mucishi umo mobakalitwa shisungu shabo.

Esekelo 23:3 Marejeleo ya Msalaba

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Esekelo 16:15

“ ‘Sombi webo wakacinka manungo mububotu bwako akuba mufuule ceebo ca mpuwo yako. Ncakwiila wakalinga kukumana amusankwa uli woonse utokwiinda.

Esekelo 16:22

Ndiwakalinga kucita shintu ishi shilensha bunya abufuule bwako tookwe kwiibaluka nshiku shako sha kubwanike, ndiwakalinga kweendabo matakosha, kooalabanganabo mumalowa.’ ”

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Esekelo 23:19

Nakubi boobo wakeendilisha bufuule mukuyeeya nshiku sha bumooye bwakwe ndyaakalinga mufuule muIjipiti.

Esekelo 23:21

Wakakumbwa kuboola munshiku ndyaakalinga mufuule cikula bwangu, ciindi basankwa ndibakalinga kumushobashoba nkolo akumulya cisungu.”

Esekelo 23:34

Ulaakunwa shiliimo akushimanisha. Lyalo ulaakwiipwayoola mutupanshapansha akunengoola nkolo shako atupanshapansha uto. Nebo neMwaami Lesa Shinkusu shoonse ndaamba.”

Esekelo 23:4

Munenebantu liina lyakwe wakalinga nguOola, mwanike wakwe wakalinga Ooliba. Ndakabeeba boonse akunshalila baana basankwa abanakashi. Oola wakalinga nguSamaliya, Ooliba wakalinga nguJelusalemu.

Esekelo 23:43

Nebo ndakalyaamboosha ayi, ‘Banakashi aba bamana ncito kubufuule, nakubi boobo basankwa baciciteekobo kubaminina mate.’

Esekelo 23:8

Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Dutolonomi 29:16

“Mwebo nobeene mulishi mbuli mbotwakalinga kwikala mucishi ca Ijipiti alimwi ambotwakeenda mushishi sha mishobo imwi.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

Ciyubululo 11:8

Mpeeke mituntu yabo ilaakunoolibo munshila sha ndabala inene umo mwakapopelwa Mwaami wabo pamucilingano. Liina liimikanina ndabala iyo mumaamboolwa, nguSodoma nabi Ijipiti.