Esekelo 22:7 - Baibo Busansulushi Bwa Libuku Ili

⁷ Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Esekelo 22:7 Marejeleo ya Msalaba

Kulumbaisha 94:5

Balalyatoola bantu banu noBaami baLesa, ncakwiila balalyatilila bantu mbomwakasala.

Kulumbaisha 94:6

Balacaya bamukalubinje abaswamashi, alimwi balacaya abana banshiwa.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Kulonga 21:17

“Awooyo woonse weenga wanyansha baishi nabi banyina, ulyeelete kucaikwa.

Kulonga 23:9

“Mutabi alunkutwe kumuswamashi. Mwebo mulishi buswamashi mbobubete ceebo mwakalinga baswamashi mucishi ca Ijipiti.

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Tushimpi 30:11

“Kuli bantu bashingana bamaishiwabo alimwi batatondeshi kulumba kubamanyinawabo.

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Jelemiya 7:6

Amucileeke kulita masuku pamitwi ya baswamashi, banabanshiwa alimwi abamukalubinje. Amucileeke kucaya bantu batacite milandu mucishi cino. Amucileeke kulambila balesa bamwi mukwiinga ico inga camulengesha kunyonyooka.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Esekelo 22:29

Bantu ba mucishi balacenjeeka babyaabo alimwi akwiipa, balalyatilila bakandu abataaku mbobabete. Balapensha beensu akubanyengelela.

Bene Lefi 20:9

“Uyo woonse ushingana baishi nabi banyina ulyeelete kucaikwa. Lufu lwakwe ndwakuliletela mwiine.

Sekaliya 7:10

Tamweelete kulita masuku pamitwi ya bamukalubinje, bana banshiwa, baswamashi mbomwikalaabo nabi bakandu. Mutanoopinga kucisa babyaanu.’

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Maako 7:10

Mukwiinga Mose wakaamba ayi, ‘Lemeka baiso abanyoko,’ alimwi ayi, ‘Uyo woonse unyansha baishi nabi banyina, ncakwiila uyo ulyeelete kucaikwa.’

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Dutolonomi 27:16

“ ‘Aashinganishikwe muntu uli woonse uyo unyansha baishi abanyina.’ “Mpeeke bantu boonse balaakwaamba ayi, ‘Ameni!’

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.