Esekelo 22:6 - Baibo Busansulushi Bwa Libuku Ili

⁶ “ ‘Mutanjilili womwi awomwi wa bene Isilaeli uli muli ndiwe ulasebensesha nkusu shakwe kutila bulowa.

Esekelo 22:6 Marejeleo ya Msalaba

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Sekaliya 3:3

Ono Joshuwa wakalinga kufwete shakufwala shishipite ndyaakalinga kwiimfwi kunembo lya munjelo uyo.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.

Jelemiya 32:32

ceebo ca shibiibi shoonse isho shakacita bene Juda abene Jelusalemu pantu pomwi abamaami babo alimwi abamatanjilili babo, bapailishi babo alimwi abalaluki.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 22:3

Ulwiite ndabala ya Jelusalemu ayi nebo neMwaami Lesa Shinkusu shoonse ndaamba ayi, ‘Webo ondabala nooliletela mapensho omwiine ceebo cakutila bulowa pakati ka bantu bako akulibisha mukupanga shibumbwabumbwa.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Esekelo 45:8

Cishi ico nceshi cikabe cipansha ca muleli mucishi ca Isilaeli kwaamba ayi atakanoolyatilila bantu, sombi ulaakulekela bene Isilaeli shipansha shimwi sha cishi ayi nshabo kweelana amikowa yabo.”

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.