Esekelo 22:12 - Baibo Busansulushi Bwa Libuku Ili

¹² Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Esekelo 22:12 Marejeleo ya Msalaba

Neyemiya 5:1

Ono ndipakeenda ciindi, bantu baanji, basankwa abanakashi, bakatalika kutongookela baJudanyinaabo.

Neyemiya 5:7

Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Tushimpi 1:19

Aya ngomeelelesho a bantu boonse bakakatila kubilila mubwiipi. Ee, buboni bwa mushobo uyo bulakwempula buumi bwa babulangoola.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Jelemiya 3:21

Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Esekelo 18:13

Ulakweletesha maali ayi acaninewo mpindu. Sa muntu wa mushobo uyo inga waba abuumi? Sobwe teshi akabeewo abuumi! Ndushinisho ulaakufwa ceebo wakacita shintu ishi shoonse shilensha bunya. Lufu lwakwe ndwakuliletela mwiine.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Esekelo 36:12

Ndaakulengesha bantu, ee, bantu bangu bene Isilaeli kweendaana pali ndimwe. Mwebo mulaakuba cishi cabo. Amwebo teshi mukaalilwewo tubili kupa bana babo shakulya.’

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Bene Lefi 25:37

Na wamukweletesha, utamusesi kwiinda pamaali ngowakamupa. Alimwi na wamuulisha cakulya, utamulipilishi kwiinda pamaali ngomwakapangana.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Amosi 8:6

Kuswawaawo tukoole busha bakandu amaali a silifa. Ee, tukoole bapengete mukushintabo ankwabilo. Ncakwiila tulaakuulisha amukuka woonse wa witi pamweelo wapeculu.’ ”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:25

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulasansha pansengwe lya nkomeshi ambale, sombi mumyoyo yanu muliswitebo bulyabi akulisuna.

Luka 18:11

“Mpomunyaawo muFalisi wakanyamuka akupaila ayi, ‘Ndamulumba nobaLesa ceebo nshibete mbuli bamwi bantu boonse bapambi, bataluleme nabi beshibulale alimwi ndalumba ceebo nshibete mbuli musonkeshi uyu.

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Luka 3:13

Wakabaambila ayi, “Mutanosonkesha kwiinda pamweelo ngobamupingwita.”

1 Bene Kolinto 5:11

Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 23:19

“Na mwakweletesha mwine Isilaelinyinaanu maali, cakulya nabi cintu cimwi coonse, tamweelete kubooshelwa cakuba ampindu.

Dutolonomi 27:25

“ ‘Aashinganishikwe muntu uli woonse uyo utambula makulo ayi acaye mubye utacite mulandu.’ “Mpeeke bantu boonse balaakwaamba ayi, ‘Ameni!’

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.