Esekelo 22:10 - Baibo Busansulushi Bwa Libuku Ili

¹⁰ Bamwi balakumana abamuka bamashali babo, abalo bamwi balakakatisha banakashi ayi bakumanaabo muciindi cabo cakukubala kakuli tabasalalite kweelana aMilawo.

Esekelo 22:10 Marejeleo ya Msalaba

Bene Lefi 18:19

“Utakumani amwanakashi na wakubala ceebo taasalalite kweelana aMilawo.

Esekelo 18:6

Muntu uyo kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina nabi kukumana amwanakashi wakubala.

Bene Lefi 20:11

“Na musankwa wakumana amwanakashi uli woonse wa baishi, wasebaanya baishi. Aboobo musankwa uyo alimwi amwanakashi balyeelete kucaikwa. Lufu lwabo ndwakuliletela.

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

1 Makani 5:1

Aba mbamulunyungu lwakwe Lubeni uyo wakalinga mwanaakwe Jakobo musankwa wakwiiya. Ono ceebo mwaana uyo wakakumana akasuwa wa baishi, wakasowa nkusu sha bunenebantu bwakwe lyalo nkusu isho shakapekwa kubana bakwe Josefu mwanaakwe Isilaeli. Paceebo ceeco taakwe kubelengelwa pamundando wa bamulunyungu lwakwe Jakobo kweelana akushalwa kwakwe.

Dutolonomi 27:23

“ ‘Aashinganishikwe muntu uli woonse uyo ukumana abapongoshi bakwe banakashi.’ “Mpeeke bantu boonse balaakwaamba ayi, ‘Ameni!’

Dutolonomi 27:20

“ ‘Aashinganishikwe muntu uli woonse uyo usebaanya baishi kwiinda mukukumana abakaabo bamwi.’ “Mpeeke bantu boonse balaakwaamba ayi, ‘Ameni!’

Bene Lefi 20:18

“Ono na musankwa wakumana amwanakashi wakubala, boonse bobilo balyeelete kutandwa pakati kanu ceebo basotoka milawo ya pakulisalasha kweelana aMilawo.

Matalikilo 49:4

Webo uli anga ngamaanshi aanji atookunka, ono sombi teshi ukabe muntu uyandika kwiinda bamwi boonse, mukwiinga wakakumana akasuwa wangu, akunyansha bulo bwa baiso.

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

Bene Lefi 18:6

“Utakumani amukwanu mwanakashi uli woonse. Nebo ndime Mwaami Lesa.