Esekelo 21:3 - Baibo Busansulushi Bwa Libuku Ili

³ akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.

Esekelo 21:3 Marejeleo ya Msalaba

Jobo 9:22

Ceebo shoonse shilyeelenebo. Nceceeco nceŋambila ayi ulanyonyoola batacite mulandu abacite boonse.

Kulumbaisha 17:13

NoBaami baLesa, amunyamuke ono mubalwaane akubakoma! Amumfuune a mupeeni wanu kubamucita shibi aba.

Kulumbaisha 80:17

Amubambe akulama bantu abo mbomwakasala, ee, mushobo uyo ngomwakapa nkusu abuumbi.

Kulumbaisha 83:15

mbweeke ubo amubatandaanye acipuupu canu cinene, amubalengeshe boowa akapupuulwa kanu.

Kulonga 15:9

“Mpeeke mulwani wakaamba ayi, ‘Ntoobakonkela kushikila mbacaane. Ntoobaanya buboni bwabo, ntoobwesa shoonse nsheensuni. Ntookusha mupeeni wangu, ntoobanyonyoola alyaansa lyangu.’

Shikushimikila 9:2

Boonse balacitikilwa shintu sha mushobo womwi, baluleme abamucita shibi, babotu abaabo bataciti shibotu, basalalite abatasalalite kweelana aMilawo, babenga milambu abaabo batabengi. Bweenka mbocibete kumuntu mubotu, mbweeke ubo mbocibete akumucita shibi. Bweenka mbocibete kubaabo bashomesha cakulumbila, mbweeke ubo mbocibete akubaabo baloonda kushomesha.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Isaya 57:1

Bantu bakwe Lesa abo bashomeka balafwa, nakubi boobo taaku nabi womwi ucibika kumaano. Bantu bashomeka balatolwa, sombi taaku ushiba kwaamba ayi baluleme balatolwa mukufunwa kububi.

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 21:14

Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Jelemiya 50:31

Mwaami Lesa Shinkusu shoonse waamba ayi, “Bona, ntookulwana webo ocishi cilisumpula ceebo bushiku bwako bwakupekwa mulandu bwashikila.

Jelemiya 51:20

Mwaami Lesa waamba ayi, “Babiloni uli nsando yangu, ee, uli cakulwanisha cangu. Ndaakusebensesha kupwayooshako mishobo ya bantu akunyonyoola malelo abo.

Jelemiya 51:25

Webo Babiloni uli anga nkalundu kanyonyoola cishi ca panshi coonse, sombi nebo neMwaami Lesa ndi mulwani wako. Ndaakutandabika lyaansa lyangu kukulwana. Ndaakukumwayoola cakukushishabo apanshi peene akukushiya kooli kalundu kashukutite.

Esekelo 13:8

“Paceebo ceeci nebo neMwaami Lesa Shinkusu shoonse ndaamba ayi, ‘Ceebo ca maswi anu abubeshi alimwi ashili anga nshiloto nshemubona nshabubeshi, nebo ndimupatite.

Esekelo 14:17

“Nabi na ndaleta nkondo mucishi ico akwaamba ayi, ‘Mupeeni awiinde mucishi coonse,’ akucaya bantu ba mumo alimwi ashifubwa shabo

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 21:19

“Webo omuntu, bika shitondesho pamikwakwa yobilo umo mweshi mukeende mupeeni wa mwaami wa bene Babiloni. Mikwakwa yoonse ikanooswa mucishi comwi. Ubike cishibilo papansaanina mikwakwa kuya mundabala inene.

Esekelo 24:9

Paceebo ceeco, Mwaami Lesa Shinkusu shoonse waamba ayi, “Mapensho kundabala itila bulowa! Nebo nemwiine ndaakubunjika nkuni.

Esekelo 26:3

Paceebo ceeco Mwaami Lesa Shinkusu shoonse waamba ayi, ‘Ndaakukulwana ondabala ya Taya akukuletela mishobo imwi kwisa mukukulwana bweenka bunyamuka maaba a mulweenge.

Esekelo 29:10

ntookulwana akulwana Mulonga wako wa Nailo alimwi ntoonyonyoola cishi ca Ijipiti akucilengesha kuba luyanga kuswa kundabala inene ya Migidolu kumatwa kuya mukushika kundabala ya Aswani kumalenge kweela nyinsa ya cishi ca Kushi.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Esekelo 5:8

“Aboobo nebo neMwaami Lesa Shinkusu shoonse waamba ayi, ‘Nebo nemwiine ntoomulwana mwebo nobene Jelusalemu alimwi ndaakukupa mulandu bamumishobo imwi kababweneeko.

Bene Lefi 26:25

Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Amosi 7:4

Mbulya Mwaami Lesa Shinkusu shoonse mbwaakambonesha mucili anga nciloto. Muciloto ico ndakamubona kaayeeya kupensha bantu bakwe amulilo. Mulilo uyo wakayumya lweenge lunene panshi lya nshi alimwi akutalika kutenta cishi coonse.

Naamu 2:13

Mwaami Lesa waamba ayi, “Ndi mulwani wako ondabala ya Ninife. Ndaakutenta shikoci shako shoonse. Ndaakunyonyoola bashilumamba abo kunkondo. Ndaakukunyaya shoonse nshemwakasaala kubantu bamwi. Maswi abeshinkombe banu teshi akanyumfwikeewo tubili.”

Naamu 3:5

Mwaami Lesa Shinkusu shoonse waamba ayi, “Ondabala ya Ninife ndikupatite. Ndaakunyamununa shifunga shako akukufwekaasho kumeenso. Ndaakubonesha mishobo yoonse matakosha ako ansooni shako kumalelo oonse.

Sefaniya 2:12

Amwebo nobene Kushi, mulaakuyaswa kumupeeni wa Mwaami Lesa munkondo.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.